De conformidade co establecido na Lei 39/2015, do 1 de outubro, do procedemento administrativo común das administracións públicas, e co obxecto de avanzar en facer efectivo o dereito da cidadanía a relacionarse electronicamente coas administracións públicas e a conseguinte obriga destas de dotarse dos medios e sistemas necesarios para que ese dereito se poida exercer, cómpre incorporar unha tramitación electrónica á fase de elección de destino das persoas aspirantes que superaron un proceso selectivo convocado pola Dirección Xeral da Función Pública.

A resolución dítase por delegación, de conformidade co establecido na Orde do 8 de xaneiro de 2020 sobre delegación de competencias na Dirección Xeral da Función Pública, publicada no DOG número 16, do 24 de xaneiro.

Unha vez finalizado o proceso selectivo extraordinario de consolidación para o ingreso na categoría 007 do grupo II, titulada/o de grao medio, de persoal laboral fixo da Xunta de Galicia, convocado pola Orde do 22 de novembro de 2019 (DOG número 225, do 26 de novembro), con corrección de erros no DOG número 33, do 18 de febreiro de 2020, e unha vez acreditado o cumprimento dos requisitos exixidos por parte das persoas aspirantes co obxecto de adxudicarlles destino provisional, e segundo a base IV.6 da convocatoria, esta consellería

DISPÓN:

Primeiro. Publicar como anexo I a relación de persoas aspirantes que superaron o proceso selectivo e que, segundo a base IV.6 da convocatoria, son convocadas para a elección de destino provisional, segundo a orde que, en aplicación das bases da convocatoria, deberá seguirse para os efectos da adxudicación de destino.

Segundo. Os postos ofertados e os requisitos exixidos para a súa ocupación figuran como anexo II desta resolución. As persoas aspirantes elixirán as prazas ao grupo e categoría a que acceden e de conformidade co indicado no anexo II desta resolución.

Terceiro. Para o acceso á aplicación informática para a elección de destino, a Dirección Xeral da Función Pública remitiralles ás persoas aspirantes un correo electrónico co usuario e a clave de acceso á aplicación.

No prazo máximo de dous (2) días hábiles contados a partir do día seguinte ao da publicación desta resolución no DOG, as persoas aspirantes, no suposto de que non recibisen correctamente o seu usuario e clave, deberán poñerse en contacto co servizo informático da Dirección Xeral da Función Pública, no teléfono 881 99 98 83, para que se lles faciliten os datos necesarios.

Unha vez transcorrido o prazo sinalado no parágrafo anterior, abrirase un prazo de cinco (5) días hábiles para que as persoas aspirantes que constan no anexo I desta resolución seleccionen telematicamente, a través do sistema electrónico, os destinos ofertados por orde de prelación.

A elección de destinos deberá realizarse a través do sistema electrónico, ao cal se poderá acceder a través da páxina web da Dirección Xeral da Función Pública funcionpublica.xunta.gal, seguindo a ruta «Función pública»–«Procesos selectivos».

Cuarto. Para a selección de destinos as persoas aspirantes deberán acceder ao sistema electrónico e proceder da seguinte forma:

Unha vez que acceda ao seu expediente electrónico, a persoa aspirante deberá, en primeiro lugar, elixir entre as opcións «Renuncia», «Solicitude de excedencia» ou «Escoller posto».

1º. De elixir a opción «Renuncia», deberaa presentar por escrito no Rexistro da Xunta de Galicia no mesmo prazo previsto no parágrafo terceiro. A persoa aspirante que exerza esta opción quedará excluída do proceso e decaerá no seu dereito a ser nomeada persoal laboral fixo do grupo e da categoría a que accede.

2º. De elixir a opción «Solicitude de excedencia», as persoas aspirantes poderán solicitar ser declaradas en excedencia voluntaria por incompatibilidade, sempre que cumpran os requisitos exixidos no artigo 24.5 do V Convenio colectivo único da Xunta de Galicia, o que deberán manifestar por medios electrónicos e no mesmo prazo previsto no parágrafo terceiro. Neste sentido, as persoas que a soliciten por prestar servizos noutra Administración deberán presentar a documentación que acredite o cumprimento dos requisitos exixidos no mesmo prazo previsto no parágrafo terceiro.

3º. De elixir a opción «Escoller posto», as persoas aspirantes seleccionarán, por orde de preferencia, os destinos que se ofertan. No suposto de que escolla un número de prazas inferior ao da posición que ocupa no proceso, as persoas aspirantes que cumpran os requisitos exixidos no artigo 24.5 do V Convenio colectivo único da Xunta de Galicia poderán solicitar ser declaradas en excedencia voluntaria por incompatibilidade, o que deberán manifestar mediante a presentación dunha solicitude por escrito e no mesmo prazo previsto no parágrafo terceiro, coa cal deberán achegar tanto a copia da última orde de prelación dos postos ofertados e seleccionados no sistema electrónico debidamente asinada como, no caso de solicitala por prestar servizos noutra Administración, a documentación que acredite o cumprimento dos requisitos exixidos.

Quinto. Ás persoas aspirantes que non presenten a súa solicitude de elección no prazo sinalado, seleccionen un número de prazas inferior ao da posición que ocupan no proceso e non se lles adxudique ningún destino e non cumpran os requisitos para ser declaradas en excedencia voluntaria por incompatibilidade, ou non presentasen a súa solicitude da maneira prevista nesta resolución, seranlles adxudicados en destino provisional os postos que lles correspondan atendendo á orde de publicación destes e ao número obtido no proceso selectivo, unha vez concluído o proceso de adxudicación dos postos ás persoas aspirantes presentes ou representadas entre os que quedasen sen adxudicar.

Sexto. Todas as comunicacións que formulen as persoas aspirantes dirixiranse á Consellería de Facenda e Administración Pública, Dirección Xeral da Función Pública, Servizo de Selección (Edificio Administrativo San Caetano, Santiago de Compostela). Para isto deberán empregar o modelo co código PR004A previsto na Orde do 4 de maio de 2017 que aproba a posta en funcionamento do servizo para a presentación electrónica de solicitudes, escritos e comunicacións que non conten cun sistema electrónico específico nin cun modelo electrónico normalizado, habilitado na sede electrónica da Xunta de Galicia no enderezo https://sede.xunta.gal, ou ben presentará a documentación nas oficinas de Rexistro da Xunta de Galicia e nos demais lugares previstos no artigo 16 da Lei 39/2015, do 1 de outubro, do procedemento administrativo común das administracións públicas.

Sétimo. Finalizado o prazo para a elección de destinos, a aplicación efectuará a adxudicación automática de destinos, en función do grupo e categoría a que se accede e a orde de prelación acadada por cada persoa aspirante no seu proceso, e atendendo á orde de preferencia na selección de destinos efectuada por esta.

A adxudicación provisional de postos resolverase mediante resolución da consellería competente en materia de función pública e publicarase no DOG.

As persoas aspirantes nomeadas persoal laboral fixo e adxudicatarias provisionais dos postos de traballo relacionados nesta resolución disporán do prazo dun mes para tomar posesión do seu destino, desde o día seguinte ao da publicación no DOG.

As persoas aspirantes que obteñan un destino provisional deberán optar as prazas que se oferten na elección de destino definitivo.

Oitavo. Estará á disposición das persoas aspirantes información complementaria para a utilización da aplicación informática e a presentación das solicitudes de elección de destino, na páxina web da Dirección Xeral da Función Pública funcionpublica.xunta.gal

Noveno. Contra esta resolución, que pon fin á vía administrativa, poderase presentar recurso potestativo de reposición ante o conselleiro de Facenda e Administración Pública no prazo dun mes, contado desde o día seguinte ao da publicación desta resolución no Diario Oficial de Galicia, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 11 de xaneiro de 2023

O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
José María Barreiro Díaz
Director xeral da Función Pública

ANEXO I

Nº de orde	DNI	Apelidos e nome
1	***6907**	Reguera Ramos, Ana Cristina
2	***3116**	Aguiar Vale, Luz
3	***1567**	Miragaya López, Ana Isabel
4	***3127**	Mariño Poza, María
5	***4141**	París Padilla, Patricia
6	***2645**	García Rodríguez, Belén
7	***0925**	Suárez Rodríguez, Ledicia
8	***7994**	Lloret Ares, María Purificación
9	***4115**	Núñez Chao, Gabriel
10	***8429**	Martínez Besada, María del Mar
11	***9351**	Ferreira Maañón, Susana
12	***2036**	Pérez Martínez, Rosa María
13	***9798**	Zotes Tarrío, Yolanda Nélida
14	***9516**	Blanco Pérez-Ardá, María Luisa
15	***2188**	Martínez García, Miguel Ángel
16	***7851**	González González, Ana María

ANEXO II

Prazas ofertadas

Nº	Código	Denominación	Cons.	Centro de destino	Centro directivo	Concello	Adscr.
1	EIC992090127085030	Titulado/a de grao medio	EM	Oficina de Emprego de Burela	Servizos periféricos	Burela	II-007
2	EIC99209315001030	Titulado/a de grao medio	EM	Oficina de Emprego de Tornos (A Coruña)	Servizos periféricos	A Coruña	II-007
3	EI5020000015770111	Titulado/a de grao medio	EM	D.X. de Orientación e Promoción Laboral	Dirección Xeral de Orientación e Promoción Laboral	Santiago de Compostela	II-007
4	EI5020000015770110	Titulado/a de grao medio	EM	D.X. de Orientación e Promoción Laboral	Dirección Xeral de Orientación e Promoción Laboral	Santiago de Compostela	II-007
5	EIC992090115580021	Titulado/a de grao medio	EM	Oficina de Emprego de Ordes	Servizos periféricos	Ordes	II-007
6	EIC992090115001035	Titulado/a de grao medio	EM	Oficina de Emprego A Coruña-Monelos	Servizos periféricos	A Coruña	II-007
7	MRO191000036001100	Titulado/a de grao medio	MR	Servizo Territorial de Pontevedra	Fogga/Servizos territoriais	Pontevedra	II-007
8	EIC991000036560530	Titulado/a de grao medio	EM	Xefatura Territorial de Pontevedra (Vigo)	Servizos periféricos	Vigo	II-007
9	PSC040000015770131	Titulado/a de grao medio	PS	D.X. de Inclusión Social	Dirección Xeral de Inclusión Social	Santiago de Compostela	II-007
10	PSC991000015001440	Titulado/a de grao medio	PS	Xefatura Territorial A Coruña	Servizos periféricos	A Coruña	II-007
11	CUA110000115770025	Titulado/a de grao medio	ED	Departamento de Xestión	Axencia Galega das Industrias Culturais (Agadic)	Santiago de Compostela	II-007
12	EIC991000015001530	Titulado/a de grao medio	EM	Xefatura Provincial A Coruña	Servizos periféricos	A Coruña	II-007
13	PSC040000015770120	Titulado/a de grao medio	PS	D.X. de Inclusión Social	Dirección Xeral de Inclusión Social	Santiago de Compostela	II-007