En sesión que tivo lugar o 30 de xaneiro de 2023, o tribunal nomeado pola Resolución do 7 de xullo de 2022 (DOG núm. 142, do 27 de xullo) para cualificar o proceso selectivo de acceso libre e de estabilización para o ingreso no corpo de axudantes de carácter facultativo de Administración especial da Administración xeral da Comunidade Autónoma de Galicia, subgrupo C1, escala de axentes do Servizo de Gardacostas de Galicia, convocado pola Resolución do 16 de decembro de 2021 (DOG núm. 241, do 17 de decembro), con corrección de erros no DOG núm. 28, do 10 de febreiro, e no DOG núm. 33, do 17 de febreiro,

ACORDOU:

Primeiro. Deixar sen efecto a Resolución do 26 de xaneiro de 2023 pola que, en virtude da comunicación recibida o 24 de xaneiro de 2023, da Dirección Xeral de Función Pública, este tribunal convocaba un aspirante para a realización do terceiro exercicio do proceso selectivo, e de acordo coa nova comunicación recibida posteriormente o 27 de xaneiro 2023, da Dirección Xeral de Función Pública, declarar exentas de realizar o terceiro exercicio da fase de oposición do proceso selectivo todas as persoas que superaron o primeiro e o segundo exercicio, por teren acreditado o nivel de coñecemento da lingua galega requirido ante a Dirección Xeral da Función Pública, de acordo co establecido na base II.1.1.3.

Segundo. Declarar rematada a fase de oposición do proceso selectivo.

Terceiro. De conformidade co disposto na base III.13 da convocatoria, contra esta resolución poderase interpoñer recurso de alzada ante a persoa titular da Consellería de Facenda e Administración Pública, nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 30 de xaneiro de 2023

Pedro Gandarillas Iglesias
Presidente do tribunal