Pola Resolución da Alcaldía do 1 de marzo de 2023, aprobáronse as bases que rexerán a convocatoria e a execución do proceso de estabilización de emprego temporal no Concello de Laza, cuxa oferta de emprego público se aprobou mediante a Resolución da Alcaldía do 25 de maio de 2022 (BOP núm. 121, do 28 de maio e DOG núm. 104, do 1 de xuño), coa corrección de erros núm. 1 (BOP núm. 298, do 30 de decembro de 2022, e DOG núm. 12, do 18 de xaneiro de 2023), e a corrección de erros núm. 2 (BOP núm. 36, do 13 de febreiro de 2023, e DOG núm. 32, do 15 de febreiro de 2023), das seguintes prazas.

No Boletín Oficial da provincia de Ourense número 53, do 6 de marzo de 2023, publicáronse integramente as bases que rexerán a convocatoria para prover, mediante concurso-oposición e concurso (proceso de estabilización de emprego temporal):

– Unha praza de axente de emprego e desenvolvemento local, mediante o sistema de concurso-oposición, xornada completa.

– Unha praza de xefe de equipo do servizo municipal de protección civil e emerxencias, mediante o sistema de concurso, xornada completa.

– Seis prazas de peón especialista do Grupo de Emerxencias Supramunicipal, mediante o sistema de concurso, xornada completa.

– Dúas prazas de persoal de limpeza; delas, 1 praza mediante o sistema de concurso e 1 praza mediante o sistema de concurso-oposición; 1 praza a xornada completa e 1 praza con xornada do 75 %.

– Unha praza de oficial de obras, mediante o sistema de concurso, xornada completa.

– Unha praza de peón de obras, mediante o sistema de concurso-oposición, xornada completa.

– Catorce prazas de auxiliares de axuda no fogar; delas, 9 prazas mediante o sistema de concurso e 5 prazas mediante o sistema de concurso-oposición; 3 prazas a xornada completa e 11 prazas con xornada do 75 %.

As bases da convocatoria publicáronse na sede electrónica da Corporación (https://laza.sedelectronica.gal).

O prazo de presentación de solicitudes será de vinte (20) días hábiles, contados desde o seguinte ao da publicación deste anuncio no Boletín Oficial del Estado.

Os sucesivos anuncios referentes a esta convocatoria, cando procedan de conformidade coas bases, faranse públicos na sede electrónica municipal (https://laza.sedelectronica.gal) e, de ser o caso, no Boletín Oficial da provincia de Ourense.

Laza, 6 de marzo de 2023

José Ramón Barreal Novo
Alcalde presidente