En virtude da Resolución do 16 de decembro de 2021 (DOG núm. 241, do 17 de decembro) convocouse o proceso selectivo de acceso libre para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñeiros técnicos, especialidade de enxeñaría técnica agrícola. Na dita orde establécese como sistema selectivo o de concurso-oposición.
A base II.2.3 da convocatoria dispón que os méritos correspondentes á fase de concurso deberán referirse á data de finalización do prazo de presentación das solicitudes de participación e deberán acreditarse de conformidade co procedemento que estableza a Dirección Xeral da Función Pública e que será publicado no Diario Oficial de Galicia (DOG).
En cumprimento da previsión anterior, e co obxecto de que as persoas aspirantes que superaron a fase de oposición deste proceso selectivo poidan acreditar os méritos con que conten na fase de concurso, esta dirección xeral
RESOLVE:
Primeiro. Publicar o procedemento que se deberá seguir para acreditar os méritos correspondentes á fase de concurso do proceso selectivo de acceso libre para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñeiros técnicos, especialidade de enxeñaría técnica agrícola.
De acordo co establecido na base II.2.3 da convocatoria, os méritos que se van baremar na fase de concurso deberán referirse á data de finalización do prazo de presentación das solicitudes de participación, que foi o 17 de xaneiro de 2022.
Segundo. No prazo dos 10 días hábiles seguintes ao da publicación da presente resolución no DOG as persoas aspirantes actuarán do seguinte xeito:
Deberán acceder á seguinte páxina web: https://www.xunta.gal/funcion-publica/expediente-administrativo, na cal poderán comprobar os méritos que teñen rexistrados no seu expediente persoal.
Para acceder poderán empregar calquera dos seguintes métodos de acceso:
• Certificado electrónico.
• Chave365 ou DNI electrónico.
• Para o persoal con destino na actualidade na Xunta de Galicia, o usuario/chave do directorio electrónico da Xunta de Galicia.
Unha vez que accedan á aplicación informática e comprobados os datos que figuran no seu expediente persoal, poderán xerar o impreso de conformidade ou o impreso de emenda a partir dos datos que constan no seu expediente persoal.
a) No suposto de estar conforme a persoa interesada cos datos consultados, validaraos sen facer ningún cambio, pechará o impreso e realizará a presentación electrónica.
Na epígrafe «Motivo polo cal fai a solicitude» deberá elixir a opción «2. Fase de concurso de proceso selectivo».
Para presentar solicitude a persoa interesada deberá premer no botón «Pechar e presentar impreso de conformidade».
A seguir deberá xerar en formato PDF o seu impreso de conformidade en que se visualizará o número de rexistro e a data de presentación como xustificante da presentación.
b) No suposto de amosar a súa desconformidade por non estar de acordo con algún ou algúns dos datos, por non constaren, seren erróneos ou incompletos, a persoa interesada deberá completar ou corrixir a información rexistrada e xerar un impreso de emenda.
Na epígrafe «Motivo polo cal fai a solicitude» deberá elixir a opción «2. Fase de concurso de proceso selectivo».
Na epígrafe «Datos da súa unidade de persoal», no campo «Nome» deberá escribir «Dirección Xeral da Función Pública» e no campo «Enderezo» deberá cubrir «Edificio Administrativo de San Caetano, Santiago de Compostela».
Ao finalizar as correccións, modificacións ou inclusións de novos datos, a persoa interesada pechará a súa solicitude premendo no botón «Pechar e xerar impreso de emenda».
A persoa interesada deberá asinar o impreso de emenda e deberá remitirllo á Consellería de Facenda e Administración Pública, Dirección Xeral da Función Pública, Edificio Administrativo de San Caetano, Santiago de Compostela, e terá que achegar toda a documentación válida para xustificar os méritos engadidos ou modificados, de conformidade co establecido no punto cuarto desta resolución.
As persoas aspirantes que non teñan méritos para acreditar non precisan realizar ningún trámite.
Se a persoa interesada non puidese acceder á aplicación informática poderá pórse en contacto co servizo informático da Dirección Xeral da Función Pública, no teléfono 881 99 98 83.
Terceiro. Os méritos reflectidos no impreso de conformidade ou no impreso de emenda serán os que teña en conta o tribunal na baremación da fase de concurso e sempre referidos á data que se establece no punto primeiro desta resolución.
Calquera impreso de conformidade ou de emenda, xunto coa documentación xustificativa dos méritos, que non reúna os requisitos ou que fose rexistrado fóra do prazo establecido no punto segundo desta resolución terase por non presentado.
De presentar máis dun impreso de emenda ou conformidade, só se terá en conta o presentado en último lugar.
No caso de non presentar impreso de emenda ou conformidade, os datos reflectidos no expediente persoal das persoas interesadas e que xa consten validados con anterioridade serán os que teña en conta o tribunal na baremación da fase de concurso, sempre que estean referidos á data que se establece no punto primeiro desta resolución.
Por tratarse dun procedemento de concorrencia competitiva non se admitirá, unha vez rematado o prazo de presentación de instancias e para os efectos da súa valoración neste proceso, ningunha nova documentación acreditativa de méritos aínda que consten rexistrados no impreso de emenda. Exceptúase aquela documentación que, xustificándoa documentalmente neste mesmo prazo, fose solicitada pola persoa interesada ao organismo ou entidade competente e non fose recibida no indicado prazo. Neste suposto admitirase a súa presentación ata o momento da finalización do prazo para a presentación de reclamacións á baremación provisional.
Cuarto. Remisión da documentación acreditativa dos méritos alegados
Toda a documentación válida para xustificar os méritos engadidos ou modificados pola persoa interesada no seu expediente persoal deberá ser remitida á Consellería de Facenda e Administración Pública, Dirección Xeral da Función Pública, Edificio Administrativo de San Caetano, Santiago de Compostela, tendo en conta o seguinte:
Os certificados asinados electronicamente e os documentos electrónicos deberán remitirse a través do rexistro electrónico. A persoa solicitante, para a remisión electrónica, empregará o modelo co código PR004A, previsto na Orde do 4 de maio de 2017 que aproba a posta en funcionamento do servizo para a presentación electrónica de solicitudes, escritos e comunicacións que non conteñen un sistema electrónico específico, habilitado na sede electrónica da Xunta de Galicia no enderezo https://sede.xunta.gal. Tamén poderá presentar a documentación nas oficinas de Rexistro da Xunta de Galicia e nos demais lugares previstos no artigo 16 da Lei 39/2015, do 1 de outubro, do procedemento administrativo común das administracións públicas.
Se a documentación que se achega é un documento orixinal en papel, terá que presentarse nas oficinas de Rexistro da Xunta de Galicia e nos demais lugares previstos no artigo 16 da Lei 39/2015, do 1 de outubro, do procedemento administrativo común das administracións públicas, para que o persoal funcionario do rexistro acredite que é copia electrónica auténtica de documento.
As copias en soporte papel de documentos electrónicos requiriran que nelas figure un código xerado electronicamente ou outro sistema de verificación, que permitirá contrastar a autenticidade da copia.
As persoas interesadas que o desexen poden facer uso do modelo incluído nesta resolución como anexo III.
Quinto. Acreditación da experiencia profesional nas administracións públicas
A experiencia profesional nas administracións públicas acreditarase mediante certificación emitida polas persoas titulares das unidades da Administración pública en que prestasen servizos e que teñan atribuídas funcións en materia de xestión de persoal, na cal deberá constar a seguinte información: categoría/grupo, escala e especialidade, réxime xurídico de vinculación (laboral, funcionario, estatutario), data de inicio e fin de cada unha das vinculacións e porcentaxe da xornada no caso de ser inferior á xornada completa.
Emitirase un certificado individual por cada categoría/grupo, escala, especialidade.
Os certificados poderán comprender unha ou varias vinculacións sucesivas ou non.
Como anexo I a esta resolución figura un modelo, que deberá empregarse preferentemente.
Só será necesario acreditar a experiencia profesional que non conste no expediente persoal ou da cal se faga algún tipo de emenda.
Sexto. Acreditación da formación
A formación acreditarase mediante copia auténtica ou orixinal do certificado de asistencia ao curso en que deberá constar o organismo ou entidade que organizou e impartiu a dita actividade formativa, as datas de realización e o número de horas lectivas.
Os diplomas ou certificacións que estean redactados nun idioma distinto a calquera dos oficiais da Comunidade Autónoma de Galicia deberán acompañarse da súa tradución ao castelán ou galego, que deberá efectuar:
a) Un/unha tradutor/a xuramentado/a, debidamente autorizado ou inscrito en España.
b) Calquera representación diplomática ou consular do Estado español no estranxeiro.
c) A representación diplomática ou consular en España do país de que é cidadá a persoa interesada.
Só será necesario acreditar a formación que non conste no expediente electrónico ou da cal se faga algún tipo de emenda.
Sétimo. Acreditación do grao persoal consolidado e formalizado (só para as persoas aspirantes que se presenten pola quenda de promoción interna)
O grao persoal consolidado e formalizado será comprobado de oficio pola Dirección Xeral da Función Pública.
Oitavo. Acreditación do grao de coñecemento do idioma galego (só para as persoas aspirantes que se presenten pola quenda de promoción interna)
Os certificados acreditativos dos niveis de coñecemento da lingua galega deberán rexistrarse na epígrafe «Galego e Grao» do expediente persoal e deberá remitirse a documentación que o acredite, salvo que xa conste este título como validado no expediente persoal.
Noveno. Acreditación do exercicio dos dereitos de conciliación (só para as persoas aspirantes que se presenten pola quenda de promoción interna)
Para acreditar o exercicio dos dereitos de conciliación, as persoas aspirantes presentarán certificación segundo o modelo que figura como anexo II a esta resolución, que será expedida e debidamente asinada polas persoas titulares das unidades da Administración pública en que prestasen servizos e que teñan atribuídas funcións en materia de xestión de persoal.
Santiago de Compostela, 23 de marzo de 2023
José María Barreiro Díaz
Director xeral da Función Pública
ANEXO I
Modelo de certificado de méritos relativos á experiencia profesional
Méritos que se fan constar relativos á fase de concurso.
Datos da persoa certificadora:
|
(Nome e apelidos) |
|
Cargo e entidade |
CERTIFICA que, segundo os datos que constan neste centro directivo, (nome e apelidos) _______________________________________________________________________, con DNI __________________________, ten acreditados os seguintes méritos sobre a experiencia profesional segundo o disposto na base II.2 da convocatoria:
Categoría/grupo-escala-especialidade:
Réxime xurídico do vínculo:
|
Denominación do posto de traballo |
Período |
% xornada |
|
|
Inicio |
Fin |
||
O que fago constar para os efectos de participación da persoa interesada no proceso selectivo de acceso libre para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñeiros técnicos, especialidade de enxeñaría técnica agrícola, convocado pola Resolución do 16 de decembro de 2021 (DOG núm. 241, do 17 de decembro), e asino esta certificación en _______________________, ________ de ____________ de 2023.
ANEXO II
Modelo de certificado relativo ao exercicio de dereitos de conciliación
Méritos que se fan constar relativos á fase de concurso.
Datos da persoa certificadora:
|
(Nome e apelidos) |
|
Cargo e entidade |
CERTIFICA que, segundo os datos que constan neste centro directivo, (nome e apelidos) _________________________________________________________________________, con DNI __________________________, ten acreditados os seguintes méritos:
Base II.2. Exercicio de dereitos de conciliación nos cinco anos anteriores á data de finalización do prazo de presentación das solicitudes de participación:
|
Permiso por parto, adopción, acollemento ou nacemento (arts. 121, 122 e 124 da LEPG) |
Desde |
Ata |
|
Redución de xornada (art. 106.2.a) e b) da LEPG) ou excedencia para o coidado de familiares (art. 176 da LEPG) |
Desde |
Ata |
O que fago constar para os efectos de participación da persoa interesada no proceso selectivo de acceso libre para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñeiros técnicos, especialidade de enxeñaría técnica agrícola, convocado pola Resolución do 16 de decembro de 2021 (DOG núm. 241, do 17 de decembro), e asino esta certificación en ______________________, __________ de ___________ de 2023.
ANEXO III
Modelo de instancia para remisión documentos
(Nome e apelidos)______________________________________________________, con DNI/NIE número____________________, con domicilio para os efectos de notificación en _______________________________________________________________, no concello de ___________________________, código postal _____________, provincia de _____________________, teléfono de contacto ___________________ e correo electrónico _____________________________, achega a documentación acreditativa dos méritos alegados na fase de concurso do proceso selectivo de acceso libre para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñeiros técnicos, especialidade de enxeñaría técnica agrícola, convocado pola Resolución do 16 de decembro de 2021 (DOG núm. 241, do 17 de decembro).
_________________ , ______ de __________________ de 2023
(sinatura)
DIRECCIÓN XERAL DA FUNCIÓN PÚBLICA
Servizo de Selección
Consellería de Facenda e Administración Pública
Edificio Administrativo de San Caetano
15781 Santiago de Compostela
