Mediante a Resolución reitoral do 24 de novembro de 2022 (DOG do 7 de decembro de 2022 e BOE do 22 de febreiro de 2023) convocáronse probas selectivas para cubrir dúas prazas da categoría profesional de técnico/a especialista de escola infantil pola quenda de acceso libre. Finalizado o prazo de presentación de solicitudes,
RESOLVO:
Primeiro. Declarar aprobada e facer pública a lista provisional de persoas admitidas e excluídas pola quenda de acceso libre ás citadas probas.
Segundo. Indicar que a lista provisional de persoas aspirantes admitidas e excluídas está exposta no taboleiro electrónico da USC e na web:
https://www.usc.gal/gl/institucional/goberno/area/xestionpersoal/PAS/oep/listado
Terceiro. As persoas aspirantes excluídas ou que non figuren na relación de admitidas dispoñen dun prazo de dez días hábiles, contados a partir do seguinte ao da publicación desta resolución no Diario Oficial de Galicia, para poderen emendar os defectos que motivaron a exclusión ou a omisión.
Cuarto. Para emendar a exclusión ou a omisión cubrirase o formulario de emendas do Catálogo de procedementos na seguinte ligazón:
https://sede.usc.es/formularios/solicitudes/emendaSelecPersoalLaboral.htm
Quinto. As persoas aspirantes que, dentro do prazo sinalado, non emenden a exclusión ou aleguen a omisión, xustificando o dereito a seren incluídas na relación de persoas admitidas, serán definitivamente excluídas da realización das probas.
Sexto. Nomear o tribunal do proceso selectivo, en aplicación da base 5.5 da convocatoria, que estará composto polas seguintes persoas:
Tribunal titular:
Presidenta:
– María del Carmen Romero Gil, persoal laboral fixo do grupo II da USC.
Vogais:
– María del Carmen Costa Buján, persoal laboral fixo do grupo III da USC.
– Juan Oreiro Formoso, persoal laboral fixo do grupo I da USC.
– Esther Castelao Balboa, funcionaria de carreira do corpo de mestres da Xunta de Galicia.
Secretario:
– Alejandro Manuel Nieto Lareo, persoal laboral fixo do grupo II da USC, que actuará con voz e voto.
Tribunal suplente:
Presidenta:
– Caroll Jean Guillanders, profesora contratada doutora da USC.
Vogais:
– Raúl Eirín Nemiña, profesor contratado doutor da USC.
– Pilar Riveiro López, persoal laboral fixo do grupo III da USC.
– Dolores del Pilar Pato Gándaras, funcionaria de carreira do corpo de mestres da Xunta de Galicia.
Secretario:
– David Pazo Olivares, funcionario de carreira da escala administrativa da USC, que actuará con voz e voto.
Santiago de Compostela, 28 de marzo de 2023
Antonio López Díaz
Reitor da Universidade de Santiago de Compostela