DOG 68 do 10/4/2023 - ACORDO do 16 de marzo de 2023, da Xefatura Territorial da Coruña, polo que se somete a información pública a solicitude de outorgamento da autorización administrativa previa e de construción e de declaración de utilidade pública, en concreto, dunha instalación de distribución de enerxía eléctrica no concello de Bergondo (expediente IN407A 2022/256-1).

VI. Anuncios

a) Administración autonómica

Vicepresidencia Primeira e Consellería de Economía, Industria e Innovación

ACORDO do 16 de marzo de 2023, da Xefatura Territorial da Coruña, polo que se somete a información pública a solicitude de outorgamento da autorización administrativa previa e de construción e de declaración de utilidade pública, en concreto, dunha instalación de distribución de enerxía eléctrica no concello de Bergondo (expediente IN407A 2022/256-1).

Expediente: IN407A 2022/256-1.

Solicitante/promotora: UFD Distribución Electricidad, S.A.

Denominación: LAT 132 kV CTO1 Pedrido-Sada. Distancias antirregulamentarias entre apoio núm. 28 e apoio núm. 32.

Concello: Bergondo.

1. Características técnicas:

– Modificación, respectando o seu actual trazado, do treito da liña LAT 132 kV subestación Pedrido-subestación Sada de 951 metros de lonxitude comprendido entre os seus apoios núm. 28 (matrícula: 92018746) e núm. 32 (matrícula: 92004742), consistente na substitución do apoio núm. 30 (matrícula: 92018748) metálico de celosía (tipo A) AL-SUS/CS-120-132-IV de 20,46 metros de altura, polo novo apoio metálico de celosía AL-AM-AGRI-6000-CAPA-21/CS-120-132-IV de 24,70 metros de altura, que pasará a ser identificado como apoio núm. 30N e que se desprazará cinco (5) metros cara ao apoio núm. 29 (matrícula: 92018747) existente respecto do emprazamento actual do apoio núm. 30. Neste apoio núm. 29 metálico de celosía (tipo A) AL-SUS/CS-120-132-IV de 16,23 metros de altura proxéctase a instalación de contrapesos (120dAN).

– Esta operación implicará a demolición da cimentación existente do actual apoio núm. 30, o recheo da cepa que se vai retirar e a construción dunha nova cimentación para o apoio núm. 30N proxectado, a retirada provisional do condutor tipo AL-AC-15.82-dúplex no treito da liña comprendido entre os seus apoios núm. 29 e núm. 31 e da fibra óptica tipo AUT-24, da fibra óptica tipo OPGW e do condutor de terra tipo AC-50 no treito comprendido entre os seus apoios núm. 28 e núm. 32 para proceder á súa posterior reinstalación e regulado nos treitos indicados unha vez instalado o apoio proxectado.

– Instalación de posta a terra dobre con picas no novo apoio núm. 30N proxectado.

2. Lexislación de aplicación:

– Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

– Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

– Lei 24/2013, do 26 de decembro, do sector eléctrico (BOE núm. 310, do 27 de decembro).

– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

– Resolución do 19 de febreiro de 2014, da Consellería de Economía e Industria, pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo de 2014).

– Lei do 16 de decembro de 1954, sobre expropiación forzosa (BOE núm. 351, do 17 de decembro).

– Decreto do 26 de abril de 1957 polo que se aproba o Regulamento da Lei de expropiación forzosa (BOE núm. 160, do 20 de xuño).

A relación concreta e individualizada dos bens e dereitos afectados que se considera de necesaria expropiación figura no anexo que se xunta ao presente acordo.

A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

A documentación estará á disposición das persoas interesadas nas dependencias da Sección de Enerxía da Xefatura Territorial da Vicepresidencia Primeira e Consellería de Economía, Industria e Innovación da Coruña (rúa Vicente Ferrer, núm. 2, 2º andar, 15071 A Coruña), das 9.00 ás 14.00 horas, de luns a venres, así como no Concello. Isto faise público para coñecemento xeral e particular das persoas propietarias dos predios que figuran na relación anexa a este acordo e das persoas titulares de dereitos reais ou intereses económicos, sobre os bens afectados que fosen omitidos.

Poderán examinar a documentación técnica e, de ser o caso, achegar as alegacións ou observacións que consideren axeitadas no prazo de 30 días, contados a partir do día seguinte ao da derradeira publicación deste acordo.

Ademais, poderase consultar no portal web da Vicepresidencia Primeira e Consellería de Economía, Industria e Innovación:

https://edicionportais.xunta.es/web/portal-cei-2014/transparencia/informacion-publica/en-tramitacion/instalacions-electricas-distribucion-e-transporte

A Coruña, 16 de marzo de 2023

Isidoro Martínez Arca
Xefe territorial da Coruña

ANEXO

Relación de bens e dereitos afectados

Denominación: LAT 132 kV CTO1 Pedrido-Sada. Distancias antirregulamentarias entre apoio núm. 28 e apoio núm. 32.

Concello: Bergondo.

Parcela proxecto

Propietario/titular

Referencia catastral

Lugar

Afección pleno dominio (LMT, CT e/ou apoios)

LMT aérea

(Servidume de paso de enerxía eléctrica)

Natureza do terreo

Nº do apoio

Superficie (m2)

Lonxitude (m)

Superficie (m2)

Juan Manuel Fernández Martínez

Polígono 60, parcela 165

Moa de Arriba

Novo apoio 30N

Labor ou labradío secaño