Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 72 Venres, 14 de abril de 2023 Páx. 23394

III. Outras disposicións

Vicepresidencia Primeira e Consellería de Economía, Industria e Innovación

RESOLUCIÓN do 30 de marzo de 2023, da Dirección Xeral de Comercio e Consumo, pola que se dá publicidade do esgotamento de crédito da Orde do 23 de decembro de 2022 pola que se establecen as bases reguladoras para a concesión, en réxime de concorrencia non competitiva, de subvencións para o Programa de modernización do comercio: Fondo Tecnolóxico, no marco do Plan de recuperación, transformación e resiliencia financiado pola Unión Europea-NextGenerationEU, e se procede á súa convocatoria para o ano 2023 (código de procedemento CO300G)

Primeiro. A Orde do 23 de decembro de 2022 da Vicepresidencia Primeira e Consellería de Economía, Industria e Innovación (DOG núm. 245, do 30 de decembro) establece as bases reguladoras para a concesión, en réxime de concorrencia non competitiva, de subvencións para o Programa de modernización do comercio: Fondo Tecnolóxico, no marco do Plan de recuperación, transformación e resiliencia financiado pola Unión Europea-NextGenerationEU, e se procede á súa convocatoria para o ano 2023 (código de procedemento CO300G).

Segundo. O artigo 1 do anexo I da orde de convocatoria establece que o procedemento de concesión das subvencións tramitarase en réxime de concorrencia non competitiva e queda condicionado á existencia de crédito adecuado e suficiente no momento de resolución da concesión.

Pola súa parte, o artigo 4 do anexo I da citada orde de convocatoria dispón que as solicitudes se resolverán atendendo á súa prelación temporal e ata o esgotamento do crédito, do cal se dará a correspondente publicidade. Para os efectos da determinación da prelación temporal, a data que hai que ter en conta será a data e a hora de presentación da solicitude. No caso de que a solicitude requira emenda, terase en conta a data e a hora en que a persoa solicitante presente correctamente toda a documentación e a información requirida.

Terceiro. O artigo 1 da orde de convocatoria dispón que as subvencións convocadas ao abeiro da citada orde financiaranse cos seguintes créditos:

Aplicación orzamentaria

Importe (€)

Beneficiarios

05.04.751A.770.7

1.200.000,00

Artigo 3.1.1.1 do anexo I

05.04.751A.781.2

1.500.000,00

Artigo 3.1.1.2 do anexo I

Cuarto. Unha vez revisadas e ordenadas todas as solicitudes presentadas, a derradeira solicitude que se puido conceder ás entidades beneficiarias establecidas no artigo 3.1.1.1 do anexo I da orde de convocatoria foi a CO300G-2023-050, que presentou toda a documentación e información requirida na sede electrónica o día 7 de febreiro de 2023 ás 18.29 horas.

En virtude do anterior, a persoa titular da Dirección Xeral de Comercio e Consumo, por delegación do vicepresidente primeiro e Conselleiro de Economía, Industria e Innovación (Orde do 9.2.2023, DOG núm. 34, do 17 de febreiro),

RESOLVE:

Ordenar a publicación no Diario Oficial de Galicia do esgotamento do crédito con cargo á aplicación orzamentaria 05.04.751A.770.7 con data do 7 de febreiro de 2023 ás 18.29 horas, ao abeiro da Orde do 23 de decembro de 2022 (DOG núm. 245, do 30 de decembro), pola que se establecen as bases reguladoras para a concesión, en réxime de concorrencia non competitiva, de subvencións para o Programa de modernización do comercio: Fondo Tecnolóxico, no marco do Plan de recuperación, transformación e resiliencia financiado pola Unión Europea-NextGenerationEU, e se procede á súa convocatoria para o ano 2023 (código de procedemento CO300G).

Santiago de Compostela, 30 de marzo de 2023

Manuel Heredia Pérez
Director xeral de Comercio e Consumo