Mediante Resolución da Alcaldía nº 2023-0473, do 12 de abril, modificada pola Resolución da Alcaldía nº 2023-0489, do 13 de abril, o Concello da Estrada resolveu o seguinte:
Primeiro. Nomear a Miguel Ángel Durán Constenla, con DNI ***5448**, funcionario de carreira deste concello, para ocupar en propiedade unha praza de encargado de obras, integrada no grupo C, subgrupo C2, pertencente á escala de administración especial, subescala de servizos especiais, clase de persoal de oficios, incluída na OEP de 2019.
Segundo. Publicar o nomeamento no Diario Oficial de Galicia (DOG), de conformidade co disposto no artigo 60.c) e e) da Lei 2/2015, do 29 de abril, do emprego público de Galicia.
Terceiro. Trasladarlle a resolución ao interesado, que deberá tomar posesión no prazo dun mes a partir da publicación do nomeamento no DOG, indicándolle que, en caso de que non o faga sen causa xustificada, quedarían anuladas todas as actuacións e entenderíase que renuncia á praza.
No indicado prazo, o funcionario nomeado deberá exercer a opción prevista no artigo 10 da Lei 53/1984, do 26 de decembro. Na falta de opción no prazo indicado, entenderase que opta polo novo posto e pasará á situación de excedencia voluntaria no que viña desempeñando.
A Estrada, 18 de abril de 2023
José C. López Campos
Alcalde