DOG 80 do 26/04/2023 - RESOLUCIÓN do 21 de abril de 2023 pola que se procede ao nomeamento como persoal funcionario de carreira do corpo superior da Administración xeral da Comunidade Autónoma de Galicia, subgrupo A1, escala superior de finanzas, das persoas aspirantes que superaron o proceso selectivo convocado pola Resolución do 31 de maio de 2021.

IV. Oposicións e concursos

Consellería de Facenda e Administración Pública

RESOLUCIÓN do 21 de abril de 2023 pola que se procede ao nomeamento como persoal funcionario de carreira do corpo superior da Administración xeral da Comunidade Autónoma de Galicia, subgrupo A1, escala superior de finanzas, das persoas aspirantes que superaron o proceso selectivo convocado pola Resolución do 31 de maio de 2021.

Unha vez rematado o proceso selectivo para o ingreso, pola quenda de promoción interna, no corpo superior da Administración xeral da Comunidade Autónoma de Galicia, subgrupo A1, escala superior de finanzas, convocado pola Resolución da Consellería de Facenda e Administración Pública do 31 de maio de 2021 (DOG núm. 115, do 18 de xuño), esta consellería, de conformidade co disposto na Lei 2/2015, do 29 de abril, do emprego público de Galicia, e nas demais normas concordantes,

DISPÓN:

Primeiro. Nomear persoal funcionario de carreira do corpo superior da Administración xeral da Comunidade Autónoma de Galicia, subgrupo A1, escala superior de finanzas, as persoas aspirantes aprobadas que se relacionan no anexo desta resolución, ordenadas de acordo coa puntuación final obtida, e adxudicarlles como destinos provisionais ou definitivos, segundo o disposto na base IV.5, os que figuran no mesmo anexo.

Para adquiriren a condición de persoal funcionario de carreira, as persoas a que se refire o anexo desta resolución deberán cumprir os requisitos exixidos no artigo 60 da Lei 2/2015, do 29 de abril, e tomar posesión do correspondente posto de traballo no prazo dun mes, que comezará a computar a partir do día seguinte ao da publicación do seu nomeamento no DOG, de conformidade co artigo 60.e) da LEPG.

Segundo. Contra esta resolución, que pon fin á vía administrativa, poderase interpoñer, con carácter potestativo, recurso de reposición ante o conselleiro de Facenda e Administración Pública no prazo dun mes contado desde o día seguinte ao da súa publicación, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 21 de abril de 2023

O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
José María Barreiro Díaz
Director xeral da Función Pública

ANEXO

Nº	DNI	Apelidos e nome	Destino	Código do posto	Cons.	Denominación	Centro de destino	Centro directivo	Subgr.	Nivel	Concello
1	*1192	Amigo Barcia, María Fernanda	Definitivo	FCA200000115770015	FC	Xefatura de Plans Inspección	Área de Inspección Tributaria	Axencia Tributaria de Galicia	A1/A2	25	Santiago de Compostela
2	*3149	Delgado Calvo, María Teresa	Definitivo	FCA200000215770012	FC	Xefatura de Equipo	Área de Xestión Tributaria	Axencia Tributaria de Galicia	A1/A2	25	Santiago de Compostela
3	*0041	Periago Rodríguez, Laura Carmen	Definitivo	FCC030000215770008	FC	Xefatura de Sección	Subd. Xeral de Contabilidade	Intervención Xeral da Comunidade Autónoma	A1/A2	25	Santiago de Compostela
4	*1570	Mourelle Ferreiro, Juan Carlos	Provisional	FCA200000115770016	FC	Xefatura de Plans Inspección	Área de Inspección Tributaria	Axencia Tributaria de Galicia	A1/A2	25	Santiago de Compostela