A Autoridade Portuaria de Vigo realiza a convocatoria para cubrir, polo procedemento de concurso, o seguinte posto de traballo de persoal laboral, mediante contrato temporal na modalidade de obra ou servizo determinado asociado ao proxecto Platicas, dentro do marco do Plan de recuperación, transformación e resiliencia-NextGenerationEU:
– Unha praza de técnico/a de medioambiente GII BII N8.
As bases da convocatoria e os impresos de solicitude están dispoñibles na páxina web da Autoridade Portuaria de Vigo www.apvigo.es
Os/as aspirantes disporán dun prazo de dez (10) días hábiles contados a partir do día seguinte ao da publicación do anuncio da convocatoria no Diario Oficial de Galicia para a presentación de solicitudes.
Vigo, 5 de maio de 2023
Beatriz Colunga Fidalgo
Directora da Autoridade Portuaria de Vigo