Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar, mediante este anuncio notifícaselles a todas as persoas interesadas a declaración de utilidade pública do proxecto LMTA, CTI e RBT San Román II (Cervantes), segundo se sinala no cadro anexo.

Asemade, infórmaselles de que o expediente correspondente á instalación de referencia está á súa disposición durante un prazo de trinta (30) días nas dependencias da Xefatura Territorial da Vicepresidencia Primeira e Consellería de Economía, Industria e Innovación de Lugo, na rolda da Muralla, nº 70, 2º baixo (Servizo de Enerxía e Minas).

O proxecto tamén se poderá consultar no portal web da Vicepresidencia Primeira e Consellería de Economía, Industria e Innovación na seguinte ligazón:

https://economia.xunta.gal/transparencia/instalacions-electricas/cervantes4

Lugo, 5 de maio de 2023

Gustavo José Casasola de Cabo
Xefe territorial de Lugo

ANEXO I

Relación de bens e dereitos afectados polo proxecto
de LMTA, CTI, RBT San Román II (Cervantes)

Concello: Cervantes.

Expediente: IN407A 2023-14-2.

Declaración de utilidade pública:

Predio	Propietario	Políg.	Parc.	Lugar	Cultivo	Afec. voo (lonx.)	Afec. voo (sup. m²)
2	Descoñecido	11	121	Tallos de Curraes	Monte alto	8	173
5	Descoñecido	11	139	Tallos de Penedo	Monte alto	10	168