DOG 98 do 25/05/2023 - ANUNCIO do 10 de maio de 2023, da Xerencia da Área Sanitaria de Ourense, Verín e O Barco de Valdeorras, pola que se dá publicidade da resolución da mesma data pola que se convocan, para a súa provisión polo procedemento de concurso, varios postos vacantes de xefatura de persoal de xestión e servizos.

IV. Oposicións e concursos

Servizo Galego de Saúde

ANUNCIO do 10 de maio de 2023, da Xerencia da Área Sanitaria de Ourense, Verín e O Barco de Valdeorras, pola que se dá publicidade da resolución da mesma data pola que se convocan, para a súa provisión polo procedemento de concurso, varios postos vacantes de xefatura de persoal de xestión e servizos.

De conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Orde do 24 de maio de 2006 (DOG núm. 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, e en virtude das competencias atribuídas polo Decreto 137/2019, do 10 de outubro (DOG núm. 208, do 31 de outubro), polo que se establece a estrutura orgánica do Servizo Galego de Saúde, a Orde do 5 de xullo de 2012 (DOG núm. 130, do 20 de xullo), sobre delegación de competencias en órganos centrais e periféricos do Servizo Galego de Saúde, e o Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do sistema público de saúde de Galicia,

DISPÓN:

Anunciar a convocatoria para cubrir, polo procedemento de concurso, os postos vacantes de xefatura de persoal de xestión e servizos que se relacionan no anexo desta resolución.

As bases íntegras da citada convocatoria estarán expostas nos taboleiros de anuncios da Xerencia da Área Sanitaria de Ourense, Verín e O Barco de Valdeorras e na páxina web do Sergas. (www.sergas.es).

As solicitudes deberán presentarse nas unidades de rexistro dos centros integrantes da Xerencia da Área Sanitaria de Ourense, Verín e O Barco de Valdeorras, no prazo de 15 días hábiles contados desde o seguinte á data da publicación do anuncio da presente convocatoria no Diario Oficial de Galicia.

Así mesmo, poderán presentarse a través de calquera dos rexistros previstos no artigo 16.4 da lei 39/2015, do 1 de outubro, do procedemento administrativo común das administracións públicas.

Ourense, 10 de maio de 2023

Félix Rubial Bernárdez
Xerente de Área Sanitaria de Ourense,
Verín e O Barco de Valdeorras

ANEXO

Denominación do posto: xefe/a de equipo do Centro de Saúde Novoa Santos/Couto.

Número de vacantes: 1.

Denominación do posto: xefe/a de equipo do Servizo de Atención Primaria de Xinzo de Limia.

Número de vacantes: 1.

Denominación do posto: xefe/a de equipo do Servizo de Atención Primaria do Barco de Valdeorras.

Número de vacantes: 1.