Logo de ver as solicitudes de axudas destinadas a facilitar a participación das galerías de arte que desenvolvan a súa actividade no ámbito da Comunidade Autónoma de Galicia en feiras e eventos do sector que teñan lugar no ano 2023 fóra da Comunidade, e tendo en conta o cumprimento dos requisitos e trámites establecidos na Lei 9/2007, de 13 de xuño, de subvencións de Galicia; no Decreto 11/2009, do 8 de xaneiro, polo que se aproba o Regulamento da citada lei, e no Decreto lexislativo 1/1999, do 7 de outubro, que aproba o texto refundido da Lei de réxime financeiro e orzamentario de Galicia.
A suma total das axudas ascende a corenta e catro mil euros (44.000,00 €), que se librarán con cargo á aplicación 10.04.432B.770.0 (CP 2015 00374) dos orzamentos xerais da Comunidade Autónoma de Galicia para 2023.
Segundo os criterios sinalados no artigo 11 da Orde do 31 de marzo de 2023 pola que se establecen as bases reguladoras,
RESOLVO:
Concederlles as axudas, polas contías que se indican, ás galerías que se relacionan no anexo que se xunta, ordenadas por orde de entrada das solicitudes, segundo os requisitos establecidos no artigo 3, e publicalas do Diario Oficial de Galicia, segundo o establecido no artigo 11 da orde.
As galerías subvencionadas a que fai referencia esta resolución quedan obrigadas a achegar a documentación xustificativa segundo o procedemento indicado no artigo 15 da orde de convocatoria e quedarán suxeitas ás obrigas recollidas no artigo 11 da Lei 9/2007, do 13 de xuño, de subvencións de Galicia.
Conforme o artigo 11 da orde, a publicación desta resolución na páxina web oficial da Consellería de Cultura, Educación, Formación Profesional e Universidades (https://www.cultura.gal) substituirá a notificación persoal e producirá os mesmos efectos.
Contra esta resolución poderá interpoñerse recurso de reposición, ante o mesmo órgano que ditou o acto, no prazo dun mes desde a súa notificación, de acordo co disposto no artigo 124 da Lei 39/2015, do 1 de outubro, do procedemento administrativo común das administracións públicas, ou directamente recurso contencioso-administrativo, ante o Tribunal Superior de Xustiza de Galicia, no prazo de dous meses contado desde o día seguinte ao da súa notificación, de conformidade co establecido na Lei 29/1998, reguladora da xurisdición contencioso-administrativa. No caso de optar polo recurso de reposición, este deberá resolverse antes de poder interpoñer o contencioso-administrativo.
Santiago de Compostela, 12 de xuño de 2023
O conselleiro de Cultura, Educación, Formación Profesional e Universidades
P.D. (Orde do 29.7.2022)
Anxo M. Lorenzo Suárez
Director xeral de Cultura
ANEXO
Relación de galerías por orde de entrada de solicitude (acreditado mediante número e hora de entrada no rexistro electrónico)
|
Solicitante |
Feiras ou mercados |
Data |
Importe concedido |
|
Vicente Muñiz Vázquez (Galería La Doce) |
Hybrid Art Fair Madrid |
24.2.2023 |
2.000,00 € |
|
María Jesús Villar Iglesias (Galería Nordés) |
Arco Madrid Artissima (Turín) |
22.2.2023 5.11.2023 |
6.000,00 € |
|
Cristian Balsa Gavilanes (Art Cuestion) |
Art3f Lille Bankartfair (Seoul) |
2.6.2023 10.8.2023 |
8.000,00 € |
|
María Begoña Martínez Casanova (Galería DeFimeras) |
Adac (Feria Andaluza de Arte y Cultura) |
13.4.2023 |
2.000,00 € |
|
Galería Pm8, S.L. |
Frieze London 2023 Paris Art Basel |
11.10.2023 19.10.2023 |
8.000,00 € |
|
María Luisa Pita Díaz (Galería de Arte) |
Art Madrid Estampa Madrid |
22.2.2023 19.10.2023 |
4.000,00 € |
|
Mc Proxectos de Arte, S.L. (Galería Metro) |
Art Madrid Justmad-Madrid |
22.2.2023 23.2.2023 |
4.000,00 € |
|
Galería Vilaseco, S.L. |
Artslibris Arco Madrid |
22.2.2023 |
2.000,00 € |
|
María Asunción Rodríguez Rodríguez (Galería Trinta) |
Uvnt Madrid Drawing Room Lisboa |
24.2.2023 25.10.2023 |
6.000,00 € |
|
M. Rodríguez y Cía, S.L (Galería MoretArt) |
Art Madrid |
22.2.2023 |
2.000,00 € |
