BDNS (Identif.): 707332.
De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo pode consultarse na Base de datos nacional de subvencións (https://www.infosubvenciones.es/bdnstrans/GE/es/convocatorias).
Primeiro. Persoas beneficiarias
Estudantado que está matriculado no grao en Turismo ou no PCEO grao en Turismo/grao en Xeografía e Historia do Campus de Ourense no curso 2023/24.
Segundo. Obxecto
O obxecto destas axudas é sufragar o custo dos estudos de Turismo do Campus de Ourense para contribuír á promoción da formación de profesionais do sector turístico na provincia de Ourense.
Terceiro. Bases reguladoras
Resolución do 7 de xullo de 2023 pola que se publican as bolsas para o estudantado matriculado no grao en Turismo ou no PCEO grao en Turismo/grao en Xeografía e Historia do Campus de Ourense no curso 2023/24.
Cuarto. Contía
A contía total do crédito destinado a estas axudas será de corenta e cinco mil euros (45.000 €).
Quinto. Prazo de presentación de solicitudes
Desde o 10 de xullo ata o 13 de outubro de 2023.
Vigo, 7 de xullo de 2023
O reitor da Universidade de Vigo
P.D. (Resolución do 22.6.2022; DOG do 6.7.2022)
Natalia Caparrini Marín
Vicerreitora de Estudantado e Empregabilidade