O artigo 27 do Estatuto de autonomía de Galicia recolle, no seu punto 22, a competencia exclusiva da Comunidade Autónoma galega na promoción do deporte e a adecuada utilización do lecer. Recollendo esta asunción de competencia exclusiva, aprobouse a Lei 3/2012, do 2 de abril, do deporte de Galicia, pola que se pretende a plena efectividade do feito e dereito deportivo na nosa comunidade autónoma.

No ámbito do deporte de alto nivel, o artigo 34 da lei establece que, independentemente da clasificación xeral de deportistas de alto nivel e das medidas que se establecen na lexislación do Estado, a Comunidade Autónoma de Galicia poderá realizar unha clasificación propia de deportistas galegos de alto nivel, de acordo coas federacións deportivas galegas, para os efectos do ámbito galego, que será publicada no Diario Oficial de Galicia, aos cales lles serán de aplicación os beneficios que se establecerán regulamentariamente.

En desenvolvemento da citada Lei do deporte, ditouse o Decreto 165/2020, do 17 de setembro, polo que se regula o deporte de alto nivel, de alto rendemento e de rendemento deportivo de base de Galicia, e a Orde do 23 de xuño de 2021 pola que se establecen os criterios técnico-deportivos para a obtención das condicións de persoa deportista de alto nivel, alto rendemento deportivo e rendemento deportivo de base, así como os criterios deportivos para o recoñecemento dos núcleos de adestramento deportivo especializado; así mesmo, atribúeselle á Comisión galega de avaliación do alto nivel deportivo, do alto rendemento deportivo de base, elevar a proposta de resolución á persoa titular do órgano competente en materia de deporte coa relación de deportistas galegos de alto nivel.

En consecuencia, atendendo á proposta enviada con data do 14 de xullo de 2023 pola Secretaría Xeral para o Deporte, con base no informe da Comisión galega de avaliación do alto nivel deportivo, esta Vicepresidencia Primeira e Consellería de Presidencia, Xustiza e Deportes

RESOLVE:

Primeiro. Aprobar a relación de persoas deportistas recoñecidas de alto nivel, alto rendemento, rendemento deportivo de base de Galicia e persoal técnico que se relacionan no anexo desta resolución e que, en consecuencia, gozan dos beneficios que para tal consideración se lles atribúan.

Segundo. Asta resolución esgota a vía administrativa e contra ela pode interporse un recurso potestativo de reposición perante a persoa titular da Vicepresidencia Primeira e Consellería de Presidencia, Xustiza e Deportes, no prazo dun mes contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 125 da Lei 39/2015, do 1 de outubro, do procedemento administrativo común das administracións públicas, ou ben un recurso contencioso-administrativo perante o Tribunal Superior de Xustiza de Galicia, no prazo de dous meses contados a partir do día seguinte ao da súa publicación, segundo dispoñen os artigo 10 e 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 21 de xullo de 2023

Diego Calvo Pouso
Vicepresidente primeiro e conselleiro de Presidencia, Xustiza e Deportes

ANEXO

Persoas deportistas recoñecidas de alto nivel, alto rendemento, rendemento deportivo de base e persoal técnico

Nº	Apelido	Nome	DNI	Modalidade	Recoñecemento	Vixencia
1	Abilleira Costal	Erika	***7234**	Kickboxing e muay thai	Deportista de alto nivel	Cinco anos desde a data da resolución
2	Álvarez Romero	Noa	***1882**	Patinaxe	Deportista de alto nivel	Cinco anos desde a data da resolución
3	Álvarez Romero	Lola	***7322**	Patinaxe	Deportista de rendemento deportivo de base	Un ano desde a data da resolución
4	Eirís Vázquez	Marta	***8268**	Salvamento e socorrismo	Deportista de rendemento deportivo de base	Un ano desde a data da resolución
5	Fernández Fernández	Xiana	***8312**	Patinaxe	Deportista de rendemento deportivo de base	Un ano desde a data da resolución
6	Fernández Sánchez	Iván	***5586**	Fútbol sala	Deportista de alto nivel	Cinco anos desde a data da resolución
7	Ferreiro Rodríguez	Germán	***9313**	Esgrima	Deportista de alto nivel	Cinco anos desde a data da resolución
8	Fraga Corredoira	Carla	***8195**	Tiro olímpico	Deportista de alto nivel	Cinco anos desde a data da resolución
9	García Suárez	Noelia	***0429**	Halterofilia	Deportista de alto nivel	Cinco anos desde a data da resolución
10	Gesto García	Carlos	***3922**	Pesca e casting	Deportista de alto nivel	Cinco anos desde a data da resolución
11	González-Regueral	Mauro	***5666**	Vela	Deportista de alto nivel	19.12.2027
12	Kim Yuom	San	***4681**	Esgrima	Deportista de alto nivel	Cinco anos desde a data da resolución
13	Luengo Rodríguez	Alberto	***1503**	Pesca e casting	Deportista de alto nivel	Cinco anos desde a data da resolución
14	Martí Roura	Albert	***7435**	Piragüismo	Deportista de alto nivel	31.7.2026
15	Martínez Abelenda	Laura	***9750**	Judo e D.A.	Deportista de alto nivel	6.10.2027
16	Montero Caaveiro	Candela	***2832**	Tenis de mesa	Deportista de rendemento deportivo de base	Un ano desde a data da resolución
17	Nogueira García	Ángela	***2718**	Esgrima	Deportista de rendemento deportivo de base	Un ano desde a data da resolución
18	Pinaque García	Nicolás	***9202**	Kárate e D.A.	Deportista de alto nivel	27.11.2027
19	Rascado Novas	Marcos	***7482**	Esgrima	Deportista de alto nivel	Cinco anos desde a data da resolución
20	Reale Pieroni	Matías	***1511**	Fútbol	Deportista de alto nivel	Cinco anos desde a data da resolución
21	Regueiro Rodríguez	Pablo	***5351**	Esgrima	Deportista de alto nivel	Cinco anos desde a data da resolución
22	Ribeiro Díaz	Joel	***1654**	Patinaxe	Deportista de rendemento deportivo de base	Un ano desde a data da resolución
23	Rico Pedrido	Pablo	***5525**	Judo e D.A.	Deportista de rendemento deportivo de base	Un ano desde a data da resolución
24	Riobo Villa	Francisco Javier	***5968**	Patinaxe	Deportista de alto rendemento	Cinco anos desde a data da resolución
25	Salanova Paredes	José María	***7814**	Taekwondo	Técnico de alto nivel	31.12.2027
26	Trigo Silva	Francisco	***9864**	Loita e D.A.	Deportista de alto nivel	27.3.2027
27	Vicente Casas	Alberto	***6988**	Pesca e casting	Deportista de alto nivel	Cinco anos desde a data da resolución
28	Vizcaya Rey	Mauro	***2659**	Remo	Deportista de alto nivel	Cinco anos desde a data da resolución