Expediente: IN407A 2023/095-4.

Promotora: UFD Distribución Electricidad, S.A.

Denominación: substitución dos tramos BAL7390078, BAL7390077, BAL7390087 e BAL7240808 entre varios CCTT.

Concello: Vigo.

Feitos:

Primeiro. O 16 de febreiro de 2023, UFD Distribución Electricidad, S.A. solicitou a autorización administrativa previa e a autorización administrativa de construción do proxecto de execución da instalación eléctrica denominada substitución dos tramos BAL7390078, BAL7390077, BAL7390087 e BAL7240808 entre varios CCTT.

Examinado o proxecto de execución, conclúese que ten como finalidade a renovación da rede existente BAL739 mediante as seguintes actuacións previstas nas rúas Quintela, Estrada, Arbo e Salvaterra, no concello de Vigo:

Déixanse sen servizo 172 metros nos tramos BAL7390078 e BAL7390077, 118 metros no tramo BAL7390087 e 325 metros no tramo BAL7240808.

Desmóntanse 12 metros nos tramos BAL7390078 e BAL7390077, 6 metros no tramo BAL7390087 e 6 metros no tramo BAL7240808.

Para realizar a renovación, proxéctanse os seguintes tramos de liña de media tensión subterránea en condutor RHZ1:

803 metros desde o centro de transformación (CT) avenida Castelao (36C770) ata o CT polígono 5 (36S773).

130 metros desde o CT polígono 5 (36S773) ata o empalme coa LMTS BAL7390087.

259 metros desde o CT polígono 4 (36S777) ata o empalme coa LMTS BAL7240808.

Segundo. Esta xefatura territorial solicitou o preceptivo informe ás distintas administracións, organismos ou, de ser o caso, empresas de servizos de interese xeral afectadas, isto é, o Concello de Vigo e o Servizo do Patrimonio Cultural. A empresa promotora manifestou a súa conformidade cos condicionados emitidos.

Consideracións legais e técnicas:

Primeiro. A Xefatura Territorial de Pontevedra é competente para resolver este expediente con fundamento no Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación (DOG núm. 126, do 4 de xullo), e no Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 22, do 1 de febreiro).

Segundo. A lexislación de aplicación ao presente expediente é:

• Lei 24/2013, do 26 de decembro, do sector eléctrico.

• Lei 39/2015, do 1 de outubro, do procedemento administrativo común das administracións públicas.

• Lei 40/2015, do 1 de outubro, de réxime xurídico do sector público.

• Lei 9/2021, do 25 de febreiro, de simplificación administrativa e de apoio á reactivación económica de Galicia.

• Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

• Real decreto 223/2008, do 15 de febreiro, polo que se aproba o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.

• Real decreto 337/2014, do 9 de maio, polo que se aproba o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

• Lei 5/2017, do 19 de outubro, de fomento da implantación de iniciativas empresarias en Galicia (DOG núm. 203, do 25 de outubro).

Terceiro. As características técnicas da instalación son as que a seguir se describen:

Liña de media tensión subterránea (LMTS) a 15 kV, con condutor RHZ1, de 803 metros de lonxitude, con orixe no centro de transformación avenida Castelao (36C770) e final no centro de transformación polígono 5 (36S773).

LMTS a 15 kV, con condutor RHZ1, de 130 metros de lonxitude, con orixe no centro de transformación polígono 5 (36S777) e final no empalme coa LMTS BAL7390087, na rúa Estrada número 5.

LMTS 15 kV, con condutor RHZ1, de 259 metros de lonxitude, con orixe no centro de transformación polígono 4 (36S773) e final no empalme coa LMTS BAL7240808, na rúa Estrada número 5.

A instalación está situada nas rúas Quintela, Estrada, Arbo e Salvaterra, no concello de Vigo (Pontevedra).

Consonte o indicado,

RESOLVO:

Primeiro. Outorgar a UFD Distribución Electricidad, S.A. as autorizacións administrativas previa e de construción da instalación de distribución de enerxía eléctrica denominada substitución dos tramos BAL7390078, BAL7390077, BAL7390087 e BAL7240808 entre varios CCTT, expediente IN407A 2023/095-4, cuxas características se axustarán en todas as súas partes ás que figuran no proxecto de execución, ás condicións técnicas e de seguridade establecidas nos regulamentos de aplicación e ás condicións establecidas nos condicionados dos organismos que constan no expediente.

Segundo. UFD Distribución Electricidad, S.A. asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade. En todo momento deberanse cumprir as normas e directrices vixentes que resulten de aplicación, en particular, canto establece o Real decreto 223/2008, do 15 de febreiro, polo que se aproba o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09, e o Real decreto 337/2014, do 9 de maio, polo que se aproba o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

Terceiro. Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.

Contra a presente resolución, que non é definitiva en vía administrativa, poderase interpoñer recurso de alzada ante a conselleira de Economía, Industria e Innovación da Xunta de Galicia, no prazo dun mes contado a partir do día seguinte ao da súa notificación ou publicación, de acordo co disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpoñer calquera outro recurso que consideren pertinente.

Pontevedra, 16 de agosto de 2023

Beatriz López del Olmo
Xefa territorial de Pontevedra