A Orde do 28 de abril de 2023 (DOG núm. 91, do 12 de maio) establece as bases e anuncia a convocatoria –en réxime de concorrencia competitiva e con sometemento aos principios de publicidade, obxectividade, transparencia, igualdade, mérito e capacidade– de bolsas de formación nos lectorados de lingua, literatura e cultura galegas nos centros de estudos galegos localizados noutras tantas universidades de fóra de Galicia.
Logo de ver a proposta de resolución definitiva de adxudicación das ditas bolsas de formación e a certificación, remitidas ambas as dúas pola subdirectora xeral de Política Lingüística en cumprimento do establecido no artigo 16.2 da dita orde, e acompañadas da acta da Comisión de Valoración constituída ao abeiro do artigo 15.5 desa orde e da resolución definitiva de persoas admitidas e excluídas, este secretario xeral, en uso das facultades que lle son expresamente delegadas en virtude da disposición adicional única da Orde do 28 de abril de 2023,
DISPÓN:
Artigo 1
Adxudicarlles as bolsas de formación nos lectorados de lingua, literatura e cultura galegas dos centros de estudos galegos localizados nas universidades que se especifican, coas condicións establecidas na orde da convocatoria e polo período que se indica, ás persoas relacionadas no anexo I.
Artigo 2
Contra esta resolución, que pon fin á vía administrativa, as persoas interesadas poderán interpoñer recurso potestativo de reposición, ante o/a titular da Secretaría Xeral de Política Lingüística, no prazo dun mes que se contará a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente recurso contencioso-administrativo, ante o Tribunal Superior de Xustiza de Galicia, no prazo de dous meses contados a partir do día seguinte ao da súa publicación, segundo dispoñen os artigos 10 e 46 da Lei 29/1998, do 13 de xullo, reguladora da xurisdición contencioso-administrativa.
Disposición derradeira
Esta resolución entrará en vigor o día seguinte ao da súa publicación no Diario Oficial de Galicia.
Santiago de Compostela, 21 de setembro de 2023
Valentín García Gómez
Secretario xeral de Política Lingüística
ANEXO I
Adxudicación das bolsas de formación
Destino |
Apelidos e nome |
NIF |
Período |
Universidade do Algarve |
Domínguez Márquez, Iria |
***9163** |
Desde o 1.10.2023 ata o 30.9.2026 |
Universitat de Barcelona |
Herrera Alfaya, Rodrigo |
***5074** |
Desde o 1.10.2023 ata o 30.9.2026 |
Freie Universität Berlin |
Santomé Regueira, Miguel |
***9227** |
Desde o 1.10.2023 ata o 30.9.2026 |
Universidade de Extremadura |
Fernández Martínez, Lara |
***7441** |
Desde o 1.10.2023 ata o 30.9.2026 |
Universidade de Granada |
Kerdudo Baxter, Argantael Alva |
***8865** |
Desde o 1.10.2023 ata o 30.9.2026 |
Universidade Nova de Lisboa |
Pardo Álvarez, Héctor |
***5859** |
Desde o 1.10.2023 ata o 30.9.2026 |
Università degli Studi di Padova |
Basalo Bembibre, Pedro |
***3525** |
Desde o 1.10.2023 ata o 30.9.2026 |
Universidade de Sâo Paulo |
Leszkiewicz, Lukasz Daniel |
***0115** |
Desde o 1.1.2024 ata o 31.12.2026 |