Para os efectos previstos no artigo 54 da Lei 7/2012, do 28 de xuño, de montes de Galicia, dáselle publicidade á proposta de deslindamento parcial do MVMC (monte veciñal en man común) San Cristovo cunha propiedade particular, presentada o 19 de xuño de 2023 pola CMVMC (Comunidade de Montes Veciñais en Man Común) de San Cristovo.

Nesa mesma data, a comunidade presentou documentación en que consta o acordo da asemblea xeral do 1 de abril de 2023 da súa aprobación.

O día 26 de setembro de 2023, o Servizo de Montes de Ourense emitiu un informe favorable ao considerar que non existe unha afección significativa sobre a integridade territorial do monte.

Contra a proposta de deslindamento, no prazo dun mes, que comezará a contar a partir do día seguinte ao da publicación deste anuncio, as persoas interesadas poderán presentar ante a comunidade propietaria as alegacións e os títulos que acrediten a propiedade ou a posesión dos predios estremeiros.

Durante este prazo, a documentación estará dispoñible no Servizo de Montes de Ourense, na rúa Villaamil e Castro, s/n, das 9.00 ás 14.00 horas, de luns a venres, para os efectos de coñecer integramente o contido da dita proposta.

Ourense, 27 de setembro de 2023

Luis Jorge Álvarez Ferro
Xefe territorial de Ourense