A aprobación da modificación da relación de postos de traballo da Consellería de Política Social e Xuventude xustifícase como consecuencia de executar a Sentenza do Tribunal Superior de Xustiza de Galiza núm. 103/2023, do 8 de febreiro (procedemento ordinario 503/2021), así como polas razóns indicadas no punto primeiro do acordo.
Esta modificación da relación de postos de traballo é unha modificación parcial que contén cambios de diversa natureza, polo que, por razóns de eficacia e operatividade se considera máis axeitada a súa publicación completa, e non parcial, de tal xeito que figuran postos cuxas características foron aprobadas en modificacións anteriores.
Nesta publicación figuran tamén postos cuxas excepcionalidades de cobertura polo sistema de libre designación foron clasificadas no Acordo do Consello da Xunta de Galicia, do 28 de xullo de 2017 polo que se aproba a modificación da relación de postos de traballo da Consellería de Política Social (DOG núm. 150, do 8 de agosto).
En consecuencia, por proposta da Consellería de Política Social e Xuventude da Xunta de Galicia, e unha vez consultadas as organizacións sindicais presentes na Mesa de Negociación e na Comisión de Persoal, o Consello da Xunta de Galicia, na súa reunión do 5 de outubro de 2023, adoptou o seguinte
ACORDO:
Primeiro. Aprobar a modificación da relación de postos de traballo da Consellería de Política Social e Xuventude nos termos que se sinalan no anexo a este acordo, como consecuencia das súas necesidades funcionais e organizativas actuais.
Segundo. Clasificar de libre designación os postos que a seguir se relacionan en aplicación do criterio de excepcionalidade que se indica na marxe, de conformidade co previsto na Lei 2/2015, do 29 de abril, do emprego público de Galicia, e co disposto na Resolución do 25 de febreiro de 2016, da Dirección Xeral da Función Pública, pola que se ditan instrucións para a tramitación de relacións de postos de traballo e a determinación dos criterios de excepcionalidade e funcións que definen as características que motivan a especial responsabilidade ou cualificación profesional dos postos de traballo de libre designación, de nivel 28 ou inferior, da Administración da Comunidade Autónoma de Galicia:
|
Código do posto |
Denominación do posto |
Criterio |
|
PS.C07.00.000.15770.100 |
Xefe/a de Servizo de Información Xuvenil |
Especial responsabilidade por xestionar información especialmente reservada da Xunta de Galicia: asesoramento e dependencia directa dun alto cargo. |
|
PS.C03.00.002.15770.020 |
Xefatura do Servizo de Protección de Menores |
Especial responsabilidade por garantir unha adecuada toma de decisións que supoñen a limitación de dereitos en situacións de alerta sanitaria ou emerxencia. |
Terceiro. Ordenar a súa publicación no Diario Oficial de Galicia para os efectos da entrada en vigor a partir do día seguinte ao da súa publicación.
Visto o acordo adoptado polo Consello da Xunta de Galicia na súa reunión do 5 de outubro de 2023, relativo á aprobación da modificación da relación de postos de traballo da Consellería de Política Social e Xuventude da Xunta de Galicia, coa finalidade de cumprir o dito acordo, de conformidade coa Orde da Consellería de Facenda, do 8 de xaneiro de 2020, sobre delegación de competencias na Dirección Xeral da Función Pública (DOG núm. 16, do 24 de xaneiro), dispoño que se publique no Diario Oficial de Galicia como anexo a esta resolución.
Santiago de Compostela, 6 de outubro de 2023
O conselleiro de Facenda e Administración Pública
P.D. (Ordo do 8.1.2020)
José María Barreiro Díaz
Director xeral da Función Pública
