A concellaría responsable da Área de Servizos non Territorializados, mediante a Resolución do 22 de setembro de 2023 nomeou funcionario de carreira deste concello, en virtude de proposta do tribunal cualificador do proceso selectivo convocado en cumprimento da Lei 20/2021, de medidas urxentes para a redución da temporalidade no emprego público, a:

– Miguel Rodríguez de Jesús, con DNI ***0398**, para ocupar unha praza de arquitecto da escala de Administración especial, subescala técnica, integrada dentro do grupo A, subgrupo A1, por proposta do tribunal cualificador do proceso selectivo convocado pola quenda libre.

O devandito nomeamento efectuouse segundo proposta do tribunal cualificador, do que se dá publicidade de conformidade co disposto no artigo 17 do Decreto 95/1991, do 20 de marzo.

Contra a citada resolución de nomeamento, que pon fin á vía administrativa, poderán interpor os/as interesados/as ben o recurso potestativo de reposición ante o mesmo órgano que a ditou, no prazo dun mes, contado desde o día seguinte ao da súa notificación, ao abeiro do establecido no artigo 124.1 da Lei 39/2015, do 1 de outubro, do procedemento administrativo común das administracións públicas, ou ben o recurso contencioso-administrativo no prazo de dous meses, contados a partir do día seguinte ao da súa notificación ante o Xulgado do Contencioso-Administrativo de Pontevedra.

Non obstante, as persoas interesadas tamén poderá interpor calquera outro recurso que consideren procedente conforme dereito.

Pontevedra, 2 de outubro de 2023

O alcalde
P.D. (Acordo da Xunta de Goberno Local do 17.6.2023)
Eva María Villaverde Pego
Concelleira responsable da Área de Servizos non Territorializados