En sesión que tivo lugar o 9 de novembro de 2023, o tribunal nomeado pola Resolución do 17 de xullo de 2023 (DOG núm. 140, do 24 de xullo) para cualificar o proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso-oposición, para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de técnicos facultativos, especialidade de educador/a infantil, convocado pola Resolución do 22 de decembro de 2022 (DOG núm. 245, do 27 de decembro) e modificada polas resolucións do 20 de xaneiro de 2023 (DOG núm. 15, do 23 de xaneiro) e do 6 febreiro de 2023 (DOG núm. 26, do 7 de febreiro), e coa corrección de erros publicada o 31 de marzo de 2023 (DOG núm. 64, do 31 de marzo),

ACORDOU:

Primeiro. Modificar, con base nas alegacións presentadas, a puntuación obtida pola seguinte aspirante, que pasa a ser a que se amosa a continuación e supera así o primeiro exercicio do proceso selectivo:

DNI	Apelidos e nome	Puntuación
***6137**	Martínez Costas, Ester	15,75

Segundo. Desestimar na súa totalidade as restantes reclamacións recibidas.

Terceiro. Publicar este acordo no Diario Oficial de Galicia e no portal web corporativo da Xunta de Galicia funcionpublica.xunta.gal

Cuarto. De conformidade co disposto na base V.13 da resolución da convocatoria, contra este acordo poderase interpoñer recurso de alzada, ante o conselleiro de Facenda e Administración Pública, nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 9 de novembro de 2023

Manuel Lage Cobas
Presidente do tribunal