Mediante Resolución do 27 de setembro de 2023 (DOG núm. 190, do 5 de outubro), aprobáronse e publicáronse as bases reguladoras dos Premios de investigación sobre VIH e/ou outras infeccións de transmisión sexual (ITS) 2023.
O xurado destes premios fixo unha revisión bibliográfica dos artigos que cumpren cos requisitos recollidos nas bases reguladoras, avaliándoos segundo os criterios de selección establecidos, tal como se recolle no artigo 8 das referidas bases.
O 14 de novembro, o xurado reuniuse para poñer en común a avaliación dos artigos científicos e propoñer, no acordo de concesión, as catro persoas galardoadas.
Ese mesmo día contactouse telefonicamente coas catro persoas propostas para os premios e todas elas o aceptaron expresamente, así como confirmaron a súa vinculación a un centro ou institución galega incluído no ámbito de aplicación destas bases no momento da elaboración do artigo.
As ditas bases establecían no artigo 10 que a persoa titular da Presidencia da Axencia Galega de Coñecemento en Saúde (ACIS) ditará a resolución do premio que será inapelable, e farase pública a través do Diario Oficial de Galicia e das páxinas web do Servizo Galego de Saúde, www.sergas.es, e da ACIS, www.acis.sergas.gal
Crédito orzamentario: cinco mil cincocentos euros (5.500,00 €), con cargo á aplicación orzamentaria 12.A1-411A-480.00, proxecto 2018/00003, dos orzamentos do ano 2023 da ACIS:
a) Primeiro premio cunha dotación de tres mil euros (3.000,00 €).
b) Segundo premio cunha dotación de mil cincocentos euros (1.500,00 €).
c) Primer accésit cunha dotación de cincocentos euros (500,00 €).
d) Segundo accésit cunha dotación de cincocentos euros (500,00 €).
No que se refire ás persoas investigadoras premiadas, véxase o anexo.
Santiago de Compostela, 20 de novembro de 2023
Julio García Comesaña
Presidente da Axencia Galega para a Xestión do Coñecemento en Saúde
ANEXO
Persoas premiadas
Núm. |
Persoas autoras |
Título do artigo |
Centro ou institución galega |
Importe do premio |
1º |
Antela López, Antonio |
Patient-Reported Outcomes (PROs) in HIV Infection: Points to Consider and Challenges |
Servizo de Medicina Interna. Complexo Hospitalario Universitario de Santiago de Compostela |
3.000,00 € |
2º |
Pérez González, Alexandre |
Real-life cohort experience after implementing HIV pre-exposure prophylaxis for one year in northwest Spain |
Servizo de Medicina Interna. Complexo Hospitalario Universitario de Vigo. Instituto de Investigación Sanitaria Galicia Sur (IISGS) |
1.500,00 € |
1º accésit |
Carballo Fernández, Raquel |
Large Increase in Azithromycin-Resistant Neisseria gonorrhoeae in Northern Spain |
Servizo de Microbioloxía. Complexo Hospitalario Universitario de Vigo |
500,00 € |
2º accésit |
Álvarez Díaz, Hortensia |
Predictors of low-level HIV viraemia and virological failure in the era of integrase inhibitors: A Spanish nationwide cohort |
Servizo de Medicina Interna. Complexo Hospitalario Universitario de Ferrol. |
500,00 € |