De conformidade co establecido na Lei 39/2015, do 1 de outubro, do procedemento administrativo común das administracións públicas, e co obxecto de avanzar en facer efectivo o dereito da cidadanía a relacionarse electronicamente coas administracións públicas e a conseguinte obriga destas de dotarse dos medios e sistemas necesarios para que ese dereito poida exercerse, cómpre incorporar unha tramitación electrónica á fase de elección de destino das persoas aspirantes que superaron un proceso selectivo convocado pola Dirección Xeral da Función Pública.

A resolución dítase por delegación, de conformidade co establecido na Orde do 8 de xaneiro de 2020 sobre delegación de competencias na Dirección Xeral da Función Pública, publicada no DOG núm. 16, do 24 de xaneiro.

En virtude da Resolución do 31 de maio de 2021 (DOG núm. 115, do 18 de xuño) convocouse o proceso selectivo para o ingreso, pola quenda de acceso libre e de promoción interna, no corpo de xestión da Administración xeral da Comunidade Autónoma de Galicia, subgrupo A2, escala técnica de finanzas.

Mediante a Resolución do 2 de outubro de 2023 (DOG núm. 188, do 3 de outubro) foron nomeadas persoal funcionario en prácticas da dita escala as persoas aspirantes que superaron a fase de oposición do proceso selectivo.

Co obxecto de que as persoas aspirantes que superaron o dito proceso selectivo poidan ser nomeadas persoal funcionario de carreira do corpo de xestión da Administración xeral da Comunidade Autónoma de Galicia, subgrupo A2, escala técnica de finanzas, e segundo o disposto no Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público; na Lei 2/2015, do 29 de abril, do emprego público de Galicia, e na demais normativa concordante, esta consellería

DISPÓN:

Primeiro. Publicar como anexo I a relación de persoas aspirantes que superaron o proceso selectivo e que son convocadas á elección de destino provisional, segundo a orde que, en aplicación das súas bases, deberá seguirse para os efectos da adxudicación de destino. As ditas persoas aspirantes están condicionadas á superación do período de prácticas para facer efectiva a elección de destino.

Segundo. Os postos ofertados para a súa ocupación figuran como anexo II desta resolución.

Terceiro. Para o acceso á aplicación informática para a elección de destino, a Dirección Xeral da Función Pública remitiralles ás persoas aspirantes un correo electrónico co usuario e coa clave de acceso á aplicación do proceso selectivo.

No prazo máximo de dous (2) días hábiles contados a partir do día seguinte ao da publicación desta resolución no DOG, a persoa aspirante, no suposto de que non recibise correctamente o seu usuario e a clave, deberá poñerse en contacto co servizo informático da Dirección Xeral da Función Pública, no teléfono 881 99 98 83, para que se lle faciliten os datos necesarios.

Unha vez transcorrido o prazo sinalado no parágrafo anterior, abrirase un prazo de cinco (5) días hábiles para que as persoas aspirantes que constan no anexo I desta resolución seleccionen telematicamente, a través do sistema electrónico, os destinos ofertados por orde de prelación.

A elección de destinos deberá realizarse a través do sistema electrónico a que se poderá acceder a través da páxina web da Dirección Xeral da Función Pública funcionpublica.xunta.gal, seguindo a ruta «Función pública–Procesos selectivos».

Cuarto. Para a selección de destinos, as persoas aspirantes deberán acceder ao sistema electrónico e proceder da seguinte forma:

Unha vez que acceda ao seu expediente electrónico, a persoa aspirante deberá, en primeiro lugar, elixir entre as opcións «Renuncia», «Solicitude de excedencia» ou «Escoller posto».

1º. De elixir a opción «Renuncia», deberaa presentar por escrito no Rexistro da Xunta de Galicia no mesmo prazo previsto no parágrafo terceiro. A persoa aspirante que exerza esta opción quedará excluída do proceso e decaerá no seu dereito a ser nomeada persoal funcionario de carreira do subgrupo a que accede.

2º. De elixir a opción «Solicitude de excedencia», deberaa presentar por escrito no Rexistro da Xunta de Galicia no mesmo prazo previsto no parágrafo terceiro, sempre que cumpra os requisitos exixidos no artigo 173.3.d) (excedencia voluntaria por interese particular) ou no artigo 174 (excedencia por prestación de servizos no sector público) da Lei 2/2015, do 29 de abril, do emprego público de Galicia. Neste sentido, as persoas que a soliciten por prestaren servizos noutra Administración deberán presentar a documentación que acredite o cumprimento dos requisitos exixidos no mesmo prazo previsto no parágrafo terceiro.

3º. De elixir a opción «Escoller posto», a persoa aspirante seleccionará, por orde de preferencia, os destinos que se ofertan. No suposto de que escolla un número de prazas inferior ao da posición que ocupa na orde de prelación prevista no anexo I desta resolución, as persoas aspirantes que cumpran os requisitos exixidos nos artigos 173.3.d) ou 174 da Lei 2/2015, do 29 de abril, do emprego público de Galicia, poderán solicitar seren declaradas en excedencia voluntaria por interese particular ou por prestación de servizos no sector público, respectivamente; o que deberán manifestar mediante a presentación dunha solicitude por escrito e no mesmo prazo previsto no parágrafo terceiro, á cal deberán xuntar tanto a copia da última orde de prelación dos postos ofertados e seleccionados no sistema electrónico debidamente asinada como, no caso de solicitala por prestar servizos noutra Administración, a documentación que acredite o cumprimento dos requisitos exixidos.

Quinto. Ás persoas aspirantes que non presenten a súa solicitude de elección no prazo sinalado, ou seleccionen un número de prazas inferior ao da posición que ocupan no proceso e non se lles adxudique ningún destino ou non presentasen a súa solicitude no xeito previsto nesta resolución, seranlles adxudicados en destino provisional os postos que lles correspondan atendendo á orde de publicación destes e ao número obtido no proceso selectivo, unha vez concluído o proceso de adxudicación dos postos ás persoas aspirantes, entre os que quedasen sen adxudicar.

Sexto. Todas as comunicacións que formulen as persoas aspirantes dirixiranse á Consellería de Facenda e Administración Pública, Dirección Xeral da Función Pública, Servizo de Selección (Edificio Administrativo San Caetano, Santiago de Compostela). Para isto deberán empregar o modelo co código PR004A previsto na Orde do 4 de maio de 2017 que aproba a posta en funcionamento do servizo para a presentación electrónica de solicitudes, escritos e comunicacións que non conten cun sistema electrónico específico nin cun modelo electrónico normalizado, habilitado na sede electrónica da Xunta de Galicia no enderezo https://sede.xunta.gal; ou ben presentará a documentación nas oficinas de Rexistro da Xunta de Galicia e nos demais lugares previstos no artigo 16 da Lei 39/2015, do 1 de outubro, do procedemento administrativo común das administracións públicas.

Sétimo. Finalizado o prazo para a elección de destinos, a aplicación efectuará a adxudicación automática de destinos, en función da orde de prelación acadada por cada persoa aspirante no seu proceso e atendendo á orde de preferencia na selección de destinos efectuada por esta.

A adxudicación provisional de postos resolverase mediante resolución da consellería competente en materia de función pública e publicarase no DOG.

As persoas aspirantes que obteñan un destino provisional deberán optar ás prazas que se oferten na elección de destino definitivo.

Oitavo. Contra esta resolución, que pon fin á vía administrativa, poderase presentar recurso potestativo de reposición ante o conselleiro de Facenda e Administración Pública no prazo dun mes contado desde o día seguinte ao da publicación desta resolución no Diario Oficial de Galicia, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 29 de novembro de 2023

O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
José María Barreiro Díaz
Director xeral da Función Pública

ANEXO I

Aspirantes convocados á elección de destino

Nº orde de elección	Nº orde no proceso selectivo	DNI	Apelidos e nome	Subgrupo
1	1	***6603**	Piñeiro Rodríguez, Concepción	A2
2	2	***1495**	Gómez Abeledo, Daniel	A2
3	3	***1593**	Reverter Viso, Sonia	A2
4	4	***1574**	Grandal López, Adrián	A2
5	5	***2626**	Fraga Falcón, Juan José	A2
6	6	***5134**	Carreira Méndez, Carmen	A2
7	7	***4721**	González Mareque, Lidia	A2
8	8	***3292**	García Novais, Isabel	A2
9	9	***2528**	Ferreiro Fernández, Iago	A2
10	10	***8334**	González Vázquez, David	A2
11	11	***8167**	López Fernández, Elba	A2
12	12	***2217**	Pérez Mendaña Piñeiro, Irene	A2
13	13	***4450**	Asorey Souto, Laura	A2
14	14	***5939**	Mosquera Rey, Ana María	A2
15	15	***5395**	Miramontes Borrajo, Laura	A2
16	16	***4848**	Campo Regueiro, Fernando	A2
17	18	***9701**	Pedrares Tuñas, Mónica	A2
18	19	***0197**	López Cabana, Marta	A2
19	21	***1125**	Mariño Moure, Pilar	A2
20	22	***2170**	Conde Lois, Patricia	A2
21	23	***4026**	Queiruga Parada, Pablo	A2
22	24	***6658**	Pombo Arzúa, José Manuel	A2
23	25	***0104**	Garrido Antelo, Iria	A2
24	26	***9828**	González Martín, Bárbara	A2

ANEXO II

Prazas ofertadas

Nº	Código	Denominación	Cons.	Centro de destino	Centro directivo	Concello	Subgrupo	Nivel
1	FCA200000115770018	Xefatura de equipo	FC	Área de Inspección Tributaria	Axencia Tributaria de Galicia	Santiago de Compostela	A1-A2	25
2	FCA200000215770002	Xefatura de equipo	FC	Área de Xestión Tributaria	Axencia Tributaria de Galicia	Santiago de Compostela	A1-A2	25
3	FCA200000415770035	Xefatura de equipo	FC	Área de Recadación	Axencia Tributaria de Galicia	Santiago de Compostela	A1-A2	25
4	FCA291000036560008	Xefatura de equipo	FC	Delegación de Vigo	Axencia Tributaria de Galicia (Servizos periféricos)	Vigo	A1-A2	25
5	FCA291000036560261	Xefatura de equipo	FC	Delegación de Vigo	Axencia Tributaria de Galicia (Servizos periféricos)	Vigo	A1-A2	25
6	FCA291000027001075	Xefatura de equipo	FC	Delegación de Lugo	Axencia Tributaria de Galicia (Servizos periféricos)	Lugo	A1-A2	25
7	FCA291000027001141	Xefatura de equipo	FC	Delegación de Lugo	Axencia Tributaria de Galicia (Servizos periféricos)	Lugo	A1-A2	25
8	FCA291000015001113	Xefatura de equipo	FC	Delegación da Coruña	Axencia Tributaria de Galicia (Servizos periféricos)	A Coruña	A1-A2	25
9	FCA291000015001114	Xefatura de equipo	FC	Delegación da Coruña	Axencia Tributaria de Galicia (Servizos periféricos)	A Coruña	A1-A2	25
10	FCA291000015001212	Xefatura de equipo	FC	Delegación da Coruña	Axencia Tributaria de Galicia (Servizos periféricos)	A Coruña	A1-A2	25
11	FCA291000036001086	Técnico/a tributario/a subgrupo A2	FC	Delegación de Pontevedra	Axencia Tributaria de Galicia (Servizos periféricos)	Pontevedra	A2	24
12	FCA291000036001087	Xefatura de equipo	FC	Delegación de Pontevedra	Axencia Tributaria de Galicia (Servizos periféricos)	Pontevedra	A1-A2	25
13	FCA291000036001003	Xefatura de equipo	FC	Delegación de Pontevedra	Axencia Tributaria de Galicia (Servizos periféricos)	Pontevedra	A1-A2	25
14	FCA291000032001096	Xefatura de equipo	FC	Delegación de Ourense	Axencia Tributaria de Galicia (Servizos periféricos)	Ourense	A1-A2	25
15	FCA291000032001090	Técnico/a tributario/a subgrupo A2	FC	Delegación de Ourense	Axencia Tributaria de Galicia (Servizos periféricos)	Ourense	A2	24
16	FCA291000032001165	Xefatura de equipo	FC	Delegación de Ourense	Axencia Tributaria de Galicia (Servizos periféricos)	Ourense	A1-A2	25
17	FCA291000032001094	Xefatura de equipo	FC	Delegación de Ourense	Axencia Tributaria de Galicia (Servizos periféricos)	Ourense	A1-A2	25
18	FCA291000032001166	Xefatura de equipo	FC	Delegación de Ourense	Axencia Tributaria de Galicia (Servizos periféricos)	Ourense	A1-A2	25
19	FCC030001015770012	Xefatura de sección	FC	Intervención Delegada da Presidencia, Consello da Cultura Galega e Consello Consultivo	Intervención Xeral da Comunidade Autónoma	Santiago de Compostela	A1-A2	25
20	FCC030001315770008	Xefatura de sección	FC	Intervención Delegada da Consellería de Facenda e Administración Pública	Intervención Xeral da Comunidade Autónoma	Santiago de Compostela	A1-A2	25
21	FCC030001515770007	Xefatura de sección	FC	Intervención Delegada da Consellería de Infraestruturas e Mobilidade	Intervención Xeral da Comunidade Autónoma	Santiago de Compostela	A1-A2	25
22	FCC030002015770020	Xefatura de sección	FC	Intervención Delegada da Consellería do Medio Rural	Intervención Xeral da Comunidade Autónoma	Santiago de Compostela	A1-A2	25
23	FCC030001815770007	Xefatura de sección	FC	Intervención Delegada da Consellería de Sanidade e do Sergas	Intervención Xeral da Comunidade Autónoma	Santiago de Compostela	A1-A2	25
24	FCC040000115770013	Técnico/a financeiro/a	FC	S.X. de Orzamentos	Dirección Xeral de Planificación e Orzamentos	Santiago de Compostela	A1-A2	25