Mediante o Acordo da Xunta de Goberno Local do 4 de decembro de 2023, foi aprobada a oferta de emprego público do Concello de Cangas correspondente ao ano 2023, que queda configurada polas prazas que a seguir se relacionan:

Persoal funcionario:

Grupo	Denominación	Clasificación	Nº vacantes
C1	Administrativo	Esc. Admón xeral. Subescala Admvo.	2
C1	Policía Local	Esc. admón. especial-servizos especiais	2

O que se fai público en cumprimento do disposto no artigo 70.2 do Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público, advertindo que contra este acordo, que pon fin á vía administrativa, e de conformidade co disposto nos artigos 123 e 124 da Lei 39/2015, do 1 de outubro, e 8, 45 e 46 da Lei 29/1998, do 13 de xullo, se poderá interpoñer un dos seguintes recursos:

a) Con carácter potestativo, recurso de reposición, ante a Xunta de Goberno Local, no prazo dun mes contado desde o día seguinte ao desta publicación.

b) Recurso contencioso-administrativo ante o Xulgado do Contencioso-Administrativo de Pontevedra, dentro do prazo de dous meses contados desde o día seguinte ao da súa publicación.

En caso de optar polo recurso potestativo de reposición, non se poderá interpoñer o recurso contencioso-administrativo ata que aquel sexa resolto expresamente ou se produza a súa desestimación por silencio administrativo.

Sen prexuízo de que os interesados poidan exercer, de ser o caso, calquera outro que xulguen procedente.

Cangas, 18 de decembro de 2023

Araceli Gestido Rodríguez
Alcaldesa