A Alcaldía do Concello do Barco de Valdeorras, mediante o Decreto do 21 de decembro de 2023, acordou aprobar a oferta de emprego público do ano 2023 do Concello do Barco de Valdeorras incluíndo as seguintes prazas vacantes:
A. Persoal funcionario de carreira:
A.1. Funcionarios da Administración xeral:
– 1 praza de funcionario/a de carreira, escala da Administración xeral, subescala técnica, técnico/a de Administración xeral (1 praza).
O prazo máximo para a convocatoria do proceso selectivo será o 31 de xuño de 2024. O remate do proceso selectivo prevese o 31 de decembro do 2024. A selección realizarase mediante oposición en quenda libre.
A.2. Funcionarios do corpo de policía local:
– 1 praza de funcionario/a de carreira, escala básica, categoría policía, denominación policía local, integrada no grupo C, subgrupo C1.
A selección realizaraa a Academia Galega de Seguridade Pública segundo o convenio para a asunción por parte da Administración xeral da Comunidade Autónoma de Galicia da convocatoria e desenvolvemento dos procesos selectivos unitarios para o acceso ás diferentes categorías dos corpos da policía local e as prazas de auxiliares de policía local ou as prazas de vixilantes municipais, entre a Vicepresidencia Primeira e Consellería de Presidencia, Xustiza e Turismo e o Concello do Barco de Valdeorras, o 9 de marzo de 2018 e prórroga do 21 de febreiro de 2022.
B. Persoal laboral:
– 1 praza de persoal laboral fixo, oficial/a de 2ª de xardíns. O prazo máximo para a convocatoria do proceso selectivo será o 31 de xuño de 2025. O remate do proceso selectivo prevese o 31 de decembro de 2025.
A selección realizarase en quenda libre e mediante concurso-oposición. Acódese ao sistema de concurso-oposición xa que se entende que é máis conveniente para o interese público dotarse de persoal con méritos previamente acreditados en experiencia e formación que acrediten unhas competencias e capacidades xa desenvolvidas e complementadas previamente, sen necesidade de período de formación previa.
– 1 praza de persoal laboral fixo, auxiliar administrativo/a. O prazo máximo para a convocatoria do proceso selectivo será o 31 de xuño de 2025. O remate do proceso selectivo prevese o 31 de decembro de 2025.
A selección realizarase en quenda libre e mediante o sistema de oposición.
De acordo co previsto na Lei 39/2015, do 1 de outubro, do procedemento administrativo común das administracións públicas, e na Lei 29/1998, do 13 de xullo, reguladora da xurisdición contencioso-administrativa, contra o presente acordo, que pon fin á vía administrativa, poderá interporse, con carácter potestativo, recurso de reposición no prazo dun mes desde esta publicación ante o alcalde, ou un recurso contencioso-administrativo no prazo de dous meses ante os xulgados do contencioso-administrativo de Ourense.
O Barco de Valdeorras, 21 de decembro de 2023
Alfredo L. García Rodríguez
Alcalde