En sesión que tivo lugar o 1 de febreiro de 2024, o tribunal nomeado pola Resolución do 15 de decembro de 2023 (DOG núm. 246, do 29 de decembro) para cualificar o proceso selectivo para o ingreso, pola modalidade específica de promoción do persoal laboral fixo, na agrupación profesional de persoal funcionario da Administración xeral da Comunidade Autónoma de Galicia, convocado pola Resolución do 6 de novembro de 2023 (DOG núm. 216, do 11 de novembro), acordou, de conformidade co disposto na base II.1.2.6 da convocatoria, que a proba tipo test da oposición terá lugar o día 27 de febreiro de 2024, en chamamento único que se iniciará ás 16.00 horas, nas aulas 10, 11 e 12 da Escola Galega de Administración Pública (EGAP), de acordo coa seguinte distribución:

Aula 10: categoría V-01 (camareiro/a limpador/a, axudante de cociña…).

Aula 11: categoría V-01 (camareiro/a limpador/a, axudante de cociña…).

Aula 12: categoría V-01 (camareiro/a limpador/a, axudante de cociña…) e V-03 (ordenanza, celador/a…).

As listaxes coa distribución de persoas aspirantes por aulas estarán dispoñibles no portal web corporativo https://www.xunta.gal/funcion-publica/promocion-especifica

As persoas aspirantes deberán ir provistas de DNI ou de documento fidedigno acreditativo da súa identidade, a xuízo do tribunal, lapis do número 2 e goma de borrar.

Non se permitirá o acceso ás aulas en que se realice o exercicio con teléfonos móbiles, axendas electrónicas, reloxos intelixentes ou calquera outro material ou instrumento de que se poidan valer as persoas aspirantes para auxiliarse na realización do exercicio. Non se habilitará ningún servizo de recollida de móbiles.

Santiago de Compostela, 1 de febreiro de 2024

Rubén Plaza Martínez
Presidente do tribunal