No Xulgado do Contencioso-Administrativo número 1 de Santiago de Compostela tramítase o recurso 515/2023 (procedemento abreviado) interposto por Celso Abella del Valle e Ricardo de la Fuente Cid fronte á desestimación presunta dos recursos interpostos polos recorrentes contra a desestimación presunta dos escritos de impugnación presentados contra a Resolución do 13 de xaneiro de 2023, da Dirección Xeral de Recursos Humanos, pola que se publica a relación provisional de admitidos/as e excluídos/as e os resultados provisionais de baremación correspondentes ao primeiro proceso de xeración de listas para a formalización de nomeamentos estatutarios temporais de dietista-nutricionista (DOG núm. 17, do 25 de xaneiro), así como dos posteriores chamamentos levados a cabo en virtude dela.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 13 de febreiro de 2024

Ana Mª Comesaña Álvarez
Directora xeral de Recursos Humanos