O 16 de xuño de 2023, a Axencia Instituto Enerxético de Galicia publicou a Resolución do 5 de xuño de 2023 (DOG núm. 114, do 16 de xuño) pola que se aproba a convocatoria do procedemento de concesión de axudas correspondentes ao programa de incentivos 2 para a implantación de instalacións de enerxías renovables térmicas en edificios non residenciais, establecementos e infraestruturas do sector público aprobado polo Real decreto 1124/2021, do 21 de decembro, polo que se aproba a concesión directa ás comunidades autónomas e ás cidades de Ceuta e Melilla de axudas para a execución dos programas de incentivos para a implantación de instalacións de enerxías renovables térmicas en diferentes sectores da economía, no marco do Plan de recuperación, transformación y resiliencia.
A citada Resolución do 5 de xuño de 2023 foi modificada pola Resolución do 28 de decembro de 2023 (DOG núm. 246, do 29 de decembro).
O 28 de decembro de 2023 publícase no Boletín Oficial del Estado (BOE) o Real decreto 1178/2023, do 27 de decembro, polo que se modifica a normativa reguladora e se adaptan ao marco europeo de axudas de Estado determinados programas de axudas de rehabilitación enerxética e enerxías renovables do Plan de recuperación, transformación e resiliencia, entre eles, o Real decreto 1124/2021, do 21 de decembro.
En consecuencia, de conformidade co previsto no artigo 28 do Estatuto de autonomía, das facultades conferidas pola Lei 9/2007, do 13 de xuño, de subvencións de Galicia, e de acordo co sinalado no Decreto 142/2016, do 22 de setembro, polo que se modifican as normas reguladoras do Instituto Enerxético de Galicia e se aproban os estatutos da Axencia Instituto Enerxético de Galicia.
RESOLVO:
Primeiro. Modificar a Resolución do 5 de xuño de 2023 pola que se aproba a convocatoria para o ano 2023 do procedemento de concesión de axudas correspondentes ao Programa de incentivos para a implantación de instalacións de enerxías renovables térmicas en edificios non residenciais, establecementos e infraestruturas do sector público, no marco do Plan de recuperación, transformación e resiliencia, financiado pola Unión Europea-NextGenerationEU (código de procedemento IN422O), nos seguintes termos:
Un. O punto 3) da letra b) do número 1 do artigo 6 queda redactado como segue:
«3) Declaración responsable do cumprimento do principio de non causar dano significativo a ningún dos obxectivos ambientais establecidos no Regulamento (UE) nº 2020/852 do Parlamento Europeo e do Consello, do 18 de xuño de 2020 (principio Do not significant harm-DNSH), anexo VII-Declaración do cumprimento do principio de non causar dano significativo que se xunta a título informativo».
Dous. O punto 4) da letra b) do número 1 do artigo 6 queda redactado como segue:
«4) Para instalacións de máis de 100 kW achegarase:
• Opcionalmente, un Plan estratéxico en que indique a orixe e o lugar de fabricación (nacional, europeo ou internacional) dos compoñentes da instalación e o seu impacto ambiental, incluíndo o almacenamento, os criterios de calidade ou durabilidade utilizados para seleccionar os distintos compoñentes, a interoperabilidade da instalación ou o seu potencial para ofrecer servizos ao sistema, así como o efecto tractor sobre pemes e autónomos que se espera que teña o proxecto. Poderá incluír, ademais, estimacións do seu impacto sobre o emprego local e sobre a cadea de valor industrial local, rexional e nacional.
• A acreditación correcta do cumprimento de valorización do 70 % dos residuos de construción e demolición xerados nas obras civís realizadas, no caso de que houbera, mediante a presentación dunha memoria resumo onde se recolla a cantidade total de residuo xerado, clasificados por códigos LER, e os certificados dos xestores de destino, onde se indique a porcentaxe de valorización acadado. Os residuos perigosos non valorizables non se terán en conta para a consecución deste obxectivo».
Tres. O Artigo 16. Prazos de execución e xustificación, queda redactado como segue:
«O prazo máximo de execución e xustificación das actuacións será de 18 meses contados desde a data de notificación da resolución de concesión. Este prazo poderase ampliar de conformidade co previsto no artigo 70 do Regulamento da Lei 38/2003, do 17 de novembro, xeral de subvencións, aprobado polo Real decreto 887/2006, do 21 de xullo.
A solicitude de ampliación para a execución e xustificación do proxecto deberase presentar cunha antelación mínima de 30 días naturais ao do vencemento do prazo».
Catro. A letra k) do número 3 do artigo 18 queda redactado como segue:
«k) Declaración que confirme que non houbo modificación con respecto ao declarado na fase de solicitude sobre o principio de «non causar dano significativo» e, se é o caso, sobre a valorización de residuos».
Cinco. Os anexos I, V e VII quedan redactados como se recollen nos anexos desta resolución.
Segundo. As modificacións introducidas por esta resolución serán de aplicación a todas as solicitudes ata o fin do prazo de presentación de solicitudes.
Terceiro. Esta resolución entrará en vigor o día da súa publicación no Diario Oficial de Galicia.
Santiago de Compostela, 27 de febreiro de 2024
Pablo Fernández Vila
Director da Axencia Instituto Enerxético de Galicia