Outorgada a declaración de utilidade pública que leva implícita a urxente ocupación dos bens e dereitos afectados pola instalación eléctrica denominada parque eólico Meirama, no concello de Cerceda (expediente IN408A 2018/27), pola Resolución da Dirección Xeral de Planificación Enerxética e Recursos Naturais, do 18 de abril de 2023, a favor da entidade beneficiaria Naturgy Renovables, S.L.U., con enderezo na avenida de Arteixo, 171, 15008 A Coruña.
Esta xefatura territorial, de conformidade cos artigos 52 da Lei de expropiación forzosa, do 16 de decembro de 1954, e 56 do seu regulamento, do 26 de abril de 1957, acorda sinalar os días 17, 18, 19, 24, 25 e 26 de abril de 2024, para o levantamento das actas previas á ocupación, en que se describirán os bens ou dereitos expropiables e de imposición de servidume de paso de enerxía eléctrica, contidos na relación de predios que se exporán xunto con esta resolución no taboleiro de edictos do Concello de Cerceda, deducida da que se someteu a información pública no DOG do 27.7.2021 e no xornal La Voz de Galicia da mesma data, acto ao cal deberán concorrer as persoas propietarias ou titulares de dereitos sobre os predios propostos como afectados, ás que se lles practicará notificación individual en que se lles sinalarán os horarios de toma de datos sobre o terreo e posterior levantamento efectivo das actas nas oficinas da casa do dito concello.
Así mesmo, cando as persoas propietarias ou titulares de dereitos sobre os predios afectadas sexan descoñecidas ou se ignore o lugar de notificación ou ben, intentada esta, non se puidese efectuar, publicarase un anuncio desta convocatoria no taboleiro de edictos único (TEU) do Boletín Oficial del Estado.
A Coruña, 16 de febreiro de 2024
Isidoro Martínez Arca
Xefe territorial da Coruña