O Pleno da Corporación, na sesión ordinaria do 25 de xaneiro de 2024, adoptou o seguinte acordo de aprobación definitiva do estudo de detalle para establecer as condicións de implantación de edificacións no Camiño da Insua, núms. 40-42, Laxe, expediente número 2022/X999/000014:
Primeiro. Aprobar definitivamente o estudo de detalle descrito nos antecedentes:
«Por iniciativa privada solicitouse, para os efectos de completar ou adaptar as determinacións da ordenación pormenorizada, a aprobación do seguinte estudo de detalle que afecta os inmobles coas seguintes referencias catastrais:
Identificación catastral
9560215MH9896S0001DB
9560218MH9896S0001JB
9560214MH9896S0001RB
9560206MH9896S0001TB
9560216MH9896S0001XB
9560219MH9896S0000WL
9560220MH9896S0000UL
15041A001001580000FG
O obxecto do estudo de detalle presentado á vista da súa memoria é a ordenación de volumes edificables de dúas parcelas lindeiras incluídas no quinteiro m02 do PXOM, en cumprimento do artigo 79.b) da Lei 2/2016, así como establecer as novas condicións de implantación das novas edificacións que se van executar nos solares sitos no Camiño da Insua números 40 e 42 do núcleo urbano de Laxe, e acadar as condicións mínimas para que os solares sexan edificables.
Ante a perspectiva da construción dunha vivenda na parcela catastral 9560215MH9896S0001DB e co fin de evitar que a parcela 9560218MH9896S0001JB sexa non edificable e tamén deste xeito que a medianeira da edificación existente na parcela 9560216MH9896S0001XB quede vista na súa totalidade.
Proponse segundo a documentación presentada a construción de dous volumes continuos á edificación existente cubrindo un mínimo dun 60 % da fachada para intentar acadar unha imaxe homoxénea do conxunto e dar a condición de edificable a todas as parcelas, non creando espazos mortos dentro da trama urbana».
Segundo. Publicar o acordo de aprobación definitiva no Diario Oficial de Galicia, e o texto dos documentos que o integran, así como o índice de planos do estudo de detalle no Boletín Oficial da provincia.
Terceiro. Notificar o presente acordo aos propietarios e demais interesados directamente afectados polo estudo de detalle.
Cuarto. Comunicar á consellería competente en materia de urbanismo da aprobación do estudo de detalle, á vez que se lle dá traslado dun exemplar en soporte dixital, debidamente dilixenciado, co fin de ser inscrito no Rexistro do Plan Urbanístico de Galicia.
Quinto. Facultar o alcalde-presidente para subscribir e asinar toda clase de documentos e, en xeral, para todo o relacionado con este asunto.
O contido íntegro do estudo de detalle estará á disposición do público no enderezo electrónico: www.concellodelaxe.com
Contra o presente acordo, en aplicación do artigo 112.3 da Lei 39/2015, do 1 de outubro, do procedemento administrativo común das administracións públicas, e dado que aproba unha disposición de carácter xeral, poderá interporse recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia con sede na Coruña, no prazo de dous meses, contado desde o día seguinte ao da recepción da presente notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa. Todo iso sen prexuízo de que poida interpor calquera outro recurso que puidese considerar máis conveniente ao seu dereito.
Laxe, 16 de febreiro de 2024
O alcalde
P.S.L. (Artigo 47 do Real decreto 2568/1986, do 28 de novembro)
Francisco Charlín Oróns
Primeiro tenente de alcalde