Co obxecto de dar cumprimento ao establecido no artigo 18.8 do Decreto 66/2016, do 26 de maio, polo que se aproba o Regulamento xeral de estradas de Galicia, publicouse, no Boletín Oficial da provincia de Pontevedra e na páxina web www.depo.gal, o contido das seguintes actas de entrega de tramos de estradas provinciais:

No BOPPO número 249, do 29 de decembro de 2023:

– Acta de entrega ao Concello de Ponteareas dun treito antigo da estrada provincial EP-4006 Ponteareas-As Neves, denominado avenida Sarmiento Rivera, asinada o día 12 de decembro de 2023.

No BOPPO número 23, do 1 de febreiro de 2024:

– Acta de entrega ao Concello de Fornelos de Montes da estrada provincial EP-2802 acceso a Calvos, desde o p.q. 0+000 ao p.q. 0+356, asinada o día 24 de xaneiro de 2024.

No BOPPO número 31, do 13 de febreiro de 2024:

Acta de entrega ao Concello de Tui da EP-3002 acceso a Malvas, da EP-3004 acceso á igrexa de Caldelas, dun treito da EP-2502 O Cerquido-Ribadelouro, e dun treito antigo da EP-2502 Cerquido-Ribadelouro, asinada o día 30 de xaneiro de 2024, así como do cambio de titularidade á Deputación de Pontevedra dunha estrada municipal de 275 metros de lonxitude que dá continuidade á EP-2502 ao seu paso por Ribadelouro, desde o p.q. 1+970 ao p.q. 2+140.

No BOPPO número 45, do 4 de marzo de 2024:

– Acta de entrega ao Concello de Meis da estrada provincial EP-9401 travesía de Meis-San Salvador-enlace autovía AG-41, desde o p.q. 0+000 ao p.q. 0+320, asinada o día 26 de febreiro de 2024.

No BOPPO número 53, do 14 de marzo de 2024:

– Acta de entrega ao Concello de Nigrán da estrada provincial EP-2105 Panxón-O Monteferro, desde o p.q. 0+000 ao p.q. 1+922, asinada o día 4 de marzo de 2024.

O que se fai público para xeral coñecemento e demais efectos.

Pontevedra, 21 de marzo de 2024

O presidente da Deputación de Pontevedra
P.D. (Delegación efectuada por R.P. nº 2023006130, do 2.8.2023)
María Isabel Couselo Torres
Deputada delegada de Infraestruturas Públicas,
Mobilidade e Contratación