En cumprimento do previsto no artigo 248 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de autorización de vertedura:
Solicitante: Hormigones Valle Miñor, S.A.
NIF: A-36623510.
Expediente: DH.V15.98712.
Lugar: San Paio.
Parroquia: Roo.
Concello: Noia.
Tipo de vertedura: augas residuais industriais de escorrega depuradas.
Caudal máximo anual: 6.565,34 m3/ano.
Punto de vertedura: X=513.137; Y=4.739.110.
Medio receptor: río de San Xusto (bacía da ría de Muros e Noia).
Tratamento/evacuación:
As augas residuais industriais de escorrega xeradas na zona de provisión son conducidas para o seu tratamento en dúas balsas de decantación en formigón armado dispostas en serie, logo do cal se verten á cuneta que discorre polo límite sur da parcela, incorporándose á cuneta da estrada AC-543 pola que discorren ata a vertedura final ao río de San Xusto (bacía da ría de Muros e Noia).
O proxecto pode consultarse na sección participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia situadas na praza de Camilo Díaz Baliño, 7-9, Santiago de Compostela, con cita previa no teléfono 981 54 50 87.
Os interesados poderán presentar alegacións durante o prazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 7 de marzo de 2024
Leticia Valladares López
Xefa da Área de Verteduras