De acordo coa base cuarta da Resolución reitoral do 15 de febreiro de 2024 (DOG núm. 40, do 26 de febreiro) mediante a que se convocou un proceso selectivo para o ingreso na escala administrativa, subgrupo C1, pola quenda de promoción interna, esta reitoría, en uso das competencias atribuídas pola Lei orgánica 2/2023, do 22 de marzo, do sistema universitario, e polos estatutos da Universidade de Vigo,
RESOLVE:
Primeiro. Declarar aprobada e facer pública a relación definitiva de persoas admitidas no devandito proceso de selección. A listaxe estará exposta no taboleiro da sede electrónica da Universidade de Vigo e no seguinte enderezo: https://secretaria.uvigo.gal/uv/web/convocatoria/public/tipo/convocatorias-pas
Segundo. Convocar as persoas aspirantes admitidas para a realización do exercicio da fase de oposición o día 3 de xuño de 2024, ás 10.00 horas, na sala 0 do Edificio Exeria do campus universitario Lagoas-Marcosende, Vigo.
Contra esta resolución, que esgota a vía administrativa, poderase interpoñer recurso perante a xurisdición contencioso-administrativa, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Non obstante, as persoas interesadas poderán optar por interpoñer contra esta resolución recurso de reposición, no prazo dun mes contado a partir do día seguinte ao da súa publicación, perante o mesmo órgano que a ditou. Neste caso non se poderá interpoñer recurso contencioso-administrativo ata que sexa resolto expresamente ou se producise a desestimación presunta do recurso de reposición interposto, segundo o previsto no artigo 123.2 da Lei 39/2015, do 1 de outubro, do procedemento administrativo común das administracións públicas.
Vigo, 19 de abril de 2024
Manuel Joaquín Reigosa Roger
Reitor da Universidade de Vigo