Resolución da Alcaldía do 3 de abril de 2024, do Concello de Maside, pola que se aproba a convocatoria excepcional para cubrir varias prazas, mediante os sistemas de concurso e concurso-oposición, no marco do proceso de estabilización de emprego temporal 2022.

No Boletín Oficial da provincia de Ourense número 299, do 31 de decembro de 2022 (e a súa modificación parcial no número 126, do 3 de xuño de 2023), publicáronse integramente as bases xerais e específicas que han de rexer a convocatoria para prover:

• Unha praza de peón/operario servizos varios a xornada completa do cadro de persoal funcionario, mediante o sistema de concurso, en quenda libre, dentro do proceso extraordinario de estabilización de emprego temporal 2022.

• Unha praza de subalterno C.P.I. a xornada completa do cadro de persoal laboral fixo, mediante o sistema de concurso, en quenda libre, dentro do proceso extraordinario de estabilización de emprego temporal 2022.

• Unha praza de chofer a xornada completa do cadro de persoal laboral fixo, mediante o sistema de concurso, en quenda libre, dentro do proceso extraordinario de estabilización de emprego temporal 2022.

• Tres prazas de peón/sen cualificar a xornada completa do cadro de persoal laboral fixo, mediante o sistema de concurso-oposición, en quenda libre, dentro do proceso extraordinario de estabilización de emprego temporal 2022.

• Dúas prazas de socorrista/piscinas a xornada completa (3 meses) do cadro de persoal laboral fixo-descontinuo, mediante o sistema de concurso-oposición, en quenda libre, dentro do proceso extraordinario de estabilización de emprego temporal 2022.

O prazo de presentación de solicitudes será de vinte (20) días hábiles contados desde o seguinte ao da publicación deste anuncio no Boletín Oficial del Estado.

Os sucesivos anuncios referentes a esta convocatoria, cando procedan de conformidade coas bases, faranse públicos na forma prevista nas propias bases.

Maside, 3 de abril de 2024

José Manuel Iglesias Araújo
Alcalde