Mediante a Orde do 14 de marzo de 2024, publicada no Diario Oficial de Galicia núm. 61, do 26 de marzo, convocouse a provisión, polo sistema de libre designación, de sete postos de traballo vacantes na extinta Consellería de Política Social e Xuventude.

De conformidade co establecido no artigo 92 da Lei 2/2015, do 29 de abril, do emprego público de Galicia, e nos artigos 5 a 8 e 25 a 28 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico, e no uso das atribucións conferidas polo artigo 17.2.c) da citada lei, esta consellería

DISPÓN:

Primeiro. Resolver a convocatoria e adxudicarlle destino aos/ás traballadores/as cuxos datos se sinalan no anexo desta orde, seleccionados/as conforme o establecido nas bases da convocatoria realizada por Orde da extinta Consellería de Política Social e Xuventude do 14 de marzo de 2024, nos postos de traballo que se indican no mesmo anexo.

Segundo. O cesamento no actual destino dos/das traballadores/as que obtiveron praza producirase no prazo de tres días, contados a partir do seguinte ao da data da publicación desta orde no Diario Oficial de Galicia.

Se na data en que deben cesar no seu destino os/as traballadores/as están desfrutando un período de licenza, vacacións ou permiso, o prazo para efectualo empezará a contar a partir do día seguinte ao da súa incorporación.

A toma de posesión das prazas adxudicadas deberase realizar no prazo dos tres días seguintes ao do cesamento, se non implica cambio de residencia; no prazo de sete días hábiles, se comporta cambio de residencia, ou dun mes se comporta o reingreso ao servizo activo, conforme o establecido no artigo 8 do Decreto 151/2022, do 4 de agosto.

Terceiro. A xefatura de persoal dos centros onde causen baixa os/as traballadores/as, así como a daquel en que obteñan destino, consignará no título administrativo, dentro do prazo sinalado no punto anterior, as correspondentes dilixencias de cesamento e toma de posesión.

Cuarto. Contra esta orde, que esgota a vía administrativa, as persoas interesadas poderán interpoñer recurso potestativo de reposición, ante esta consellería, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente, ante o xulgado do contencioso-administrativo competente, no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 13 de maio de 2024

Fabiola García Martínez
Conselleira de Política Social e Igualdade

ANEXO I

Apelidos e nome	NRP	Grupo	Corpo/ escala	Denominación do posto	Código	Nivel	Centro de destino	Localidade
Conde Bruces, Patricia	****722357 A208C	A2	Corpo facultativo de grao medio, escala de técnicos facultativos, especialidade educadores	Director/a de centro de menores	PS.C99.40.301.15001.001	28	Centro de Menores San José de Calasanz	A Coruña
Piñeiro Cajete, Constantino Modesto	****003213 A2060	A1	Corpo superior da Administración xeral da Comunidade Autónoma de Galicia	Director/a administrador/a	PS.C99.40.801.15001.001	26	Residencia de Maiores Torrente Ballester (A Coruña)	A Coruña
Andrade García, Sonia	****822313 A2051	A2	Corpo de xestión da Administración xeral da Comunidade Autónoma de Galicia	Director/a administrador/a	PS.C99.40.801.15190.001	25	Residencia de Maiores (Carballo)	Carballo
Baltar Monteagudo, Otilia María	****005135 A208H	A1	Corpo facultativo superior, escala facultativos, especialidade pedagoxía	Director/a de centro de menores	PS.C99.40.301.15350.001	28	Complexo de Atención de Menores de Ferrol	Ferrol
Ocampo López, Cristina	****127902L145100172	II	Asistente social	Director/a de residencia de maiores	PS.C99.40.801.15350.001	26	Residencia de Maiores (Ferrol)	Ferrol
Brey Recimil, José Antonio	****728124 A2060	A1	Corpo superior da Administración xeral da Comunidade Autónoma de Galicia	Director/a administrador/a	PS.C99.40.801.15660.001	25	Residencia de Maiores (A Pobra do Caramiñal)	A Pobra do Caramiñal
Castro Canosa, Vanesa	****522624 A208E	A2	Corpo facultativo de grao medio, escala de técnicos facultativos, especialidade traballo social	Director/a de residencia de maiores	PS.C99.40.801.15770.001	26	Residencia de Maiores (Santiago de Compostela)	Santiago de Compostela