O artigo 15.2 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro), impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios de colaboración subscritos.

En consecuencia, e para dar cumprimento a esa obriga,

DISPOÑO:

Dar publicidade á relación dos convenios subscritos polo Instituto Enerxético de Galicia (Inega) nos meses de xaneiro a abril do ano 2024, que se incorpora como anexo a esta resolución.

Santiago de Compostela, 16 de maio de 2024

Pablo Fernández Vila
Director do Instituto Enerxético de Galicia

ANEXO

Convenios subscritos pola Axencia Instituto Enerxético de Galicia
(Inega) nos meses xaneiro, febreiro, marzo e abril

Convenio	Data de sinatura	Achega Axencia
Convenio entre o Instituto Enerxético de Galicia (Inega) e a Fundación Semana Verde de Galicia para a celebración da Feira de Enerxía Enerxétika 2024.	16.2.2024	80.000,00 €
Convenio entre o Instituto Enerxético de Galicia (Inega) e a Universidade de Santiago de Compostela para a prestación de asesoramento en materia de almacenamento enerxético.	12.4.2024	60.000,00 €