Mediante a Orde do 22 de maio de 2024, publicada no Diario Oficial de Galicia número 106, do 3 de xuño, convocouse a provisión, polo sistema de libre designación, do posto de traballo vacante no Instituto de Seguridade e Saúde Laboral de Galicia que se detalla no anexo.

O Decreto 49/2024, do 22 de abril, polo que se fixa a estrutura orgánica das consellerías da Xunta de Galicia, no seu artigo 10,b) adscribe á Consellería de Emprego, Comercio e Emigración o organismo autónomo Instituto de Seguridade e Saúde Laboral de Galicia.

De conformidade co establecido no artigo 92 da Lei 2/2015, do 29 de abril, do emprego público de Galicia, e no artigo 27 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico; e no uso das atribucións conferidas polo artigo 17.2.c) da dita lei, esta consellería

DISPÓN:

Primeiro. Resolver a dita convocatoria coa adxudicación do destino á funcionaria que se expresa no anexo desta orde, seleccionada conforme o establecido nas bases da convocatoria, efectuada pola Orde desta consellería do 22 de maio de 2024.

Segundo. O cesamento no actual destino da funcionaria que obtivo praza producirase no prazo de tres días hábiles, que se contarán a partir do seguinte ao da data da publicación desta orde no Diario Oficial de Galicia.

A toma de posesión do novo destino deberase realizar, no prazo de tres días hábiles seguintes ao do cesamento se non implica cambio de residencia ou de sete días hábiles se comporta cambio de residencia, ou dun mes, se comporta o reingreso ao servizo activo, conforme o establecido no artigo 8 do Decreto 151/2022, do 4 de agosto.

Terceiro. A xefatura do centro en que cause baixa a funcionaria, así como a daquel en que obteña destino, consignarán no título administrativo as correspondentes dilixencias de cesamento e toma de posesión, dentro do prazo sinalado no parágrafo anterior.

Cuarto. Contra esta orde, que esgota a vía administrativa, as persoas interesadas poderán interpoñer recurso potestativo de reposición ante esta consellería, no prazo dun mes que se contará desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente ante o xulgado do contencioso-administrativo competente, no prazo de dous meses que se contarán a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 4 de xullo de 2024

José González Vázquez
Conselleiro de Emprego, Comercio e Emigración

ANEXO I

Apelidos e nome: Garabito cociña, Myriam.

DNI: ***9550 **.

Grupo: A1.

Corpo/escala: corpo superior, escala superior de seguridade e saúde no traballo, especialidade de hixiene industrial.

Código do posto: EI.O29.10.000.27001.001.

Denominación do posto: Xefatura do Centro.

Nivel: 28.

Centro de destino: Instituto de Seguridade e Saúde Laboral de Galicia.

Localidade: Lugo.

*O DNI móstrase cifrado co fin de protexer os datos de carácter persoal.