O Concello Pleno, en sesión ordinaria que tivo lugar o 25 de abril de 2024, aprobou inicialmente o novo Plan xeral de ordenación municipal de Narón (PXOM) co seu estudo ambiental estratéxico e completado co resumo executivo, datado de outubro de 2023, e asinado por Alfredo Garrote Pazos, director do equipo redactor ARQYUR, S.C.

De conformidade co previsto no artigo 60.6 da Lei 2/2016, do 10 de febreiro, do solo de Galicia, e 144.6 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia, comezou un trámite de información pública, durante un prazo de dous meses, mediante anuncios publicados o 15.5.2024 no Diario Oficial de Galicia e no xornal La Voz de Galicia.

O Concello Pleno, en sesión extraordinaria do 9 de xullo de 2024, acordou ampliar o período de exposición pública un mes máis, con efectos a partir do día seguinte ao da publicación deste anuncio no Diario Oficial de Galicia e nun dos xornais de maior difusión na provincia.

Narón, 9 de xullo de 2024

Marián Ferreiro Díaz
Alcaldesa