De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade á seguinte encomenda coas seguintes características:

1. Resolución do 14 de maio de 2024, da Consellería do Mar, pola que se lle encarga ao medio propio Empresa Pública de Servizos Agrarios Galegos, S.A. (Seaga), a retirada, almacenamento e xestión de residuos procedentes da inspección e vixilancia pesqueira realizada pola Subdirección Xeral de Gardacostas de Galicia.

– Actividade: realización dos traballos relativos á retirada, almacenamento e xestión dos materiais, ben sexa como residuo, ou para a súa reutilización de artes de pesca procedentes de comisos realizados pola Subdirección Xeral de Gardacostas de Galicia.

– Natureza e alcance da xestión encomendada: encomenda de xestión a medios propios ao ter a Empresa Pública de Servizos Agrarios Galegos, S.A. (Seaga) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.

– Prazo de vixencia: desde o 15 de maio de 2024 ata o 15 de maio de 2026.

– Financiamento: con cargo aos orzamentos da Comunidade Autónoma de Galicia para o ano 2024, aplicación orzamentaria 46.02.723A.608.0 con código de proxecto 2024 00150, cofinanciado nun 70 % con fondos FEMPA.

Santiago de Compostela, 7 de agosto de 2024

Marta Barreiro Castro
Secretaria xeral técnica da Consellería do Mar