Mediante a Orde da Consellería de Cultura, Educación, Formación Profesional e Universidades do 12 de xaneiro de 2023 (DOG número 14, do 20 de xaneiro), ditáronse as normas para a aplicación do réxime de concertos educativos cos centros docentes privados para o curso académico 2023/24 e seguintes, de conformidade co establecido na Lei orgánica 8/1985, do 3 de xullo, reguladora do dereito á educación, na Lei orgánica 2/2006, do 3 de maio, de educación, e no Real decreto 2377/1985, do 18 de decembro, polo que se aproba o Regulamento de normas básicas sobre concertos educativos.

Mediante a Orde da Consellería de Cultura, Educación, Formación Profesional e Universidades do 14 de agosto de 2023 (DOG número 156, do 18 de agosto), aprobáronse os concertos educativos cos centros docentes privados de educación infantil, educación primaria, educación secundaria obrigatoria, educación especial e de formación profesional, por un período máximo de 6 cursos académicos ata o final do curso 2028/29.

De conformidade co artigo 3 da devandita Orde do 12 de xaneiro de 2023, os que se subscriban ou modifiquen mediante esta orde rematarán ao final do curso 2028/29, sen prexuízo da súa posible modificación dentro do seu período de vixencia seguindo o procedemento dos capítulos II e III da mesma norma, por instancia de parte ou de oficio.

Por canto antecede, en aplicación do artigo 7 do Real decreto 2377/1985, do 18 de decembro, que aproba o Regulamento de normas básicas sobre concertos educativos, e do artigo 3 do Decreto 138/2024, do 20 de maio, polo que se establece a estrutura orgánica da Consellería de Educación, Ciencia, Universidades e Formación Profesional, por proposta da Dirección Xeral de Centros e Recursos Humanos,

DISPOÑO:

Artigo 1. Modificación dos concertos educativos vixentes

1. Modificar os concertos educativos subscritos polos centros docentes privados que se relacionan no anexo I desta orde, nos termos que para cada centro educativo se especifican.

2. As modificacións a que se refire o número 1 deste artigo terán vixencia ata o final do curso 2028/29, sen prexuízo das modificacións que, se é o caso, proceda introducir segundo o previsto no artigo 46 do Regulamento de normas básicas sobre concertos educativos e no capítulo III da Orde do 12 de xaneiro de 2023.

Artigo 2. Desestimación de solicitudes

Desestimar as solicitudes de modificación ou de subscrición de concerto educativo realizadas polas titularidades dos centros docentes que se relacionan no anexo II desta orde, debido a que as necesidades educativas da correspondente zona están cubertas segundo o artigo 6 da Orde do 12 de xaneiro de 2023.

Artigo 3. Formalización do concerto

1. A subscrición do concerto educativo formalizarase nun documento administrativo axustado ao modelo do anexo III da Orde do 12 de xaneiro de 2023 pola que se ditan normas para a aplicación do réxime de concertos educativos cos centros docentes privados para o curso académico 2023/24 e seguintes.

2. As modificacións dos concertos aprobados pola Orde do 14 de agosto de 2023 formalizaranse mediante addenda ao documento administrativo de formalización do concerto subscrito polo centro.

3. Os documentos serán asinados pola persoa titular do centro privado ou a persoa con representación debidamente acreditada e polo director xeral de Centros e Recursos Humanos, de conformidade co artigo 3 da Orde do 5 de xuño de 2024 de delegación de competencias nos órganos superiores e de dirección e nos departamentos territoriais da Consellería de Educación, Ciencia, Universidades e Formación Profesional.

4. Se a persoa titular do centro non subscribise o documento administrativo de formalización na data que se lle notifique, entenderase decaída no seu dereito.

Artigo 4. Efectos

Esta orde terá efectos económicos e administrativos desde o día 1 de setembro de 2024.

Disposición adicional única. Acordos asinados entre a Consellería de Educación, Ciencia, Universidades e Formación Profesional e as organizacións empresariais e sindicais do ensino privado concertado

1. Durante o período de vixencia dos concertos que se aproban mediante esta orde aplicarase o Acordo asinado o día 14 de xuño de 2023 entre pola Consellería de Cultura, Educación, Formación Profesional e Universidades e as organizacións empresariais e sindicais do ensino privado concertado sobre medidas de recolocación do profesorado afectado pola modificación das unidades concertadas.

No curso académico 2024/25, o devandito acordo é de aplicación ao persoal docente en pagamento delegado dos centros docentes privados concertados no curso académico 2023/24 que, como consecuencia da redución do número de unidades aprobada por esta orde, perda o posto de traballo do cal é titular a partir do 31 de agosto de 2024, sempre que a modificación do concerto non sexa imputable á titularidade do centro educativo.

2. Durante a vixencia do actual período de concertos facilitarase o acceso á xubilación parcial do profesorado incluído no réxime de pagamento delegado nas condicións establecidas no acordo entre a Consellería de Educación, Ciencia, Universidades e Formación Profesional e as organizacións empresariais e sindicais do sector do ensino privado concertado.

Disposición derradeira primeira. Recursos

Contra esta orde, que esgota a vía administrativa, as persoas interesadas poderán interpoñer recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben, directamente, recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.

Disposición derradeira segunda. Entrada en vigor

Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 13 de agosto de 2024

Román Rodríguez González
Conselleiro de Educación, Ciencia, Universidades e Formación Profesional

ANEXO I

Modificacións realizadas de conformidade
cos artigos 8 e 22 da Orde do 12 de xaneiro de 2023

a) Educación infantil:

Código	Denominación do centro	Concello	Provincia	Modificación
15006501	CPR Plurilingüe Cristo Rey	Ferrol	Coruña (A)	Suprimir o concerto: 1 unidade
32016728	CPR Plurilingüe Luis Vives	Ourense	Ourense	Incrementar o concerto: 1 unidade
36010216	CPR Plurilingüe Divino Salvador	Vigo	Pontevedra	Suprimir o concerto: 1 unidade

b) Educación primaria (EP) e educación secundaria obrigatoria (ESO):

Código	Denominación do centro	Concello	Provincia	Modificación
15004460	CPR Plurilingüe Peñarredonda	Coruña (A)	Coruña (A)	Suprimir o concerto: 1 unidade de EP
15032157	CPR Plurilingüe Andaina	Culleredo	Coruña (A)	Incrementar o concerto: 1 unidade de ESO (3º/4º curso) Incrementar o concerto: 1 hora de orientación en 3º/4º
15020489	CPR Plurilingüe Montespiño	Culleredo	Coruña (A)	Incrementar o concerto: 1 unidade de EP
15013497	CPR Luis Vives	Pontedeume	Coruña (A)	Suprimir o concerto: 1 unidade de EP
32016731	CPR Malvedo	Coles	Ourense	Incrementar o concerto: 1 unidade de ESO (1º/2º curso) Incrementar 16 horas de orientación: 8 horas en 1º/2º curso e 8 horas en 3º/4º
32009062	CPR Cardenal Cisneros	Ourense	Ourense	Incrementar o concerto: 1 unidade de EP
36001008	CPR Plurilingüe Compañía de María	Cangas	Pontevedra	Suprimir o concerto: 1 unidade de EP
36016115	CPR Plurilingüe Eduardo Pondal	Cangas	Pontevedra	Incrementar o concerto: 1 unidade de EP
36009925	CPR Plurilingüe Amor de Dios	Vigo	Pontevedra	Suprimir o concerto: 1 unidade de EP
36010976	CPR Plurilingüe Compañía de María	Vigo	Pontevedra	Suprimir o concerto: 1 unidade de EP
36011831	CPR Plurilingüe Las Acacias	Vigo	Pontevedra	Incrementar o concerto: 1 unidade de EP
36011166	CPR Mª Inmaculada	Vigo	Pontevedra	Incrementar o concerto: 1 unidade de ESO (1º/2º curso) Suprimir o concerto: 1 unidade de ESO (3º/4º curso)
36011191	CPR Montecastelo	Vigo	Pontevedra	Suprimir o concerto: 1 unidade de EP

c) Educación especial:

Código	Denominación do centro	Concello	Provincia	Modificación
15033307	CEEPR Lenda Educativa	Carballo	Coruña (A)	Concertar: 2 unidades-plurideficientes
15004861	CEEPR Nosa Señora de Lourdes-Aspronaga	Coruña (A)	Coruña (A)	Incrementar o concerto: 1 unidade-psíquicos
32016728	CPR Plurilingüe Luis Vives	Ourense	Ourense	Suprimir o concerto: 1 unidade-psíquicos

d) Formación profesional básica:

Código	Denominación do centro	Concello	Provincia	Modificación
32016731	CPR Malvedo	Coles	Ourense	Suprimir o concerto: 2 unidades (1º e de 2º cursos) de Informática e Comunicacións

e) Ciclos formativos de grao medio de formación profesional:

Código	Denominación do centro	Concello	Provincia	Modificación
36011853	CPR Daniel Castelao	Vigo	Pontevedra	Concertar o 2º curso do ciclo Sistemas Microinformáticos e Redes (1 unidade)
36011221	CPR Plurilingüe Padre Míguez	Vigo	Pontevedra	Concertar o 2º curso do ciclo Sistemas Microinformáticos e Redes (1 unidade)

f) Ciclos formativos de grao superior de formación profesional:

Código	Denominación do centro	Concello	Provincia	Modificación
15004231	CPR Plurilingüe Karbo	Coruña (A)	Coruña (A)	Concertar o 2º curso do ciclo Desenvolvemento de Aplicacións Multiplataforma (1 unidade)
27006425	CPR Seminario Diocesano-San Lorenzo	Lugo	Lugo	Concertar o 1º curso do ciclo Acondicionamento Físico (1 unidade)
36015822	CPR Marcote	Vigo	Pontevedra	Concertar o 2º curso do ciclo Automatización e Robótica Industrial (1 unidade)

ANEXO II

Solicitudes de modificación ou subscrición desestimadas:

1. 15020431 CPR Agarimo, Arteixo, Coruña (A).

2. 15020313 EFAG El Piñeiral, Arzúa, Coruña (A).

3. 15004009 CPR Plurilingüe Calasancias, Coruña (A), Coruña (A).

4. 15004794 CPR Plurilingüe Fogar de Santa Margarida, Coruña (A), Coruña (A).

5. 15004198 CPR Plurilingüe Hijas de Jesús, Coruña (A), Coruña (A).

6. 15004782 CPR Plurilingüe La Grande Obra de Atocha, Coruña (A), Coruña (A).

7. 15022000 CPR Montegrande, Coruña (A), Coruña (A).

8. 15004356 CPR Nebrija Torre de Hércules, Coruña (A), Coruña (A).

9. 15010769 CPR Plurilingüe María Assumpta, Noia, Coruña (A).

10. 15014520 CPR Plurilingüe Galaxia, Ribeira, Coruña (A).

11. 27006255 CPR Plurilingüe Divino Maestro, Lugo, Lugo.

12. 27007223 CPR Real Colegio Padres Escolapios, Monforte de Lemos, Lugo.

13. 27013624 CPR Plurilingüe Landro, Viveiro, Lugo.

14. 32008665 CPR Plurilingüe Divino Maestro, Ourense, Ourense.

15. 32008458 CPR Plurilingüe María Auxiliadora, Ourense, Ourense.

16. 32008616 CPR Plurilingüe Padre Feijoo Zorelle, Ourense, Ourense.

17. 32008513 CPR Plurilingüe Santa Teresa de Jesús, Ourense, Ourense.

18. 32020720 CPR Plurilingüe Miraflores, Pereiro de Aguiar (O), Ourense.

19. 36000569 CPR Salesianos A Mercé, Cambados, Pontevedra.

20. 36004526 CPR Plurilingüe San Narciso, Marín, Pontevedra.

21. 36019724 CPR Cemar, Mondariz-Balneario, Pontevedra.

22. 36005427 CPR Plurilingüe Lar, Mos, Pontevedra.

23. 36005671 EFAG A Cancela, Neves (As), Pontevedra.

24. 36018847 CEEPR Juan María, Nigrán, Pontevedra.

25. 36019815 CEEPR Amencer, Pontevedra, Pontevedra.

26. 36025104 CEEPR Amencer-Aspace, Pontevedra, Pontevedra.

27. 36006641 CPR Plurilingüe Calasancio, Pontevedra, Pontevedra.

28. 36011622 CPR Aloya, Vigo, Pontevedra.

29. 36010903 CPR Plurilingüe Apóstol Santiago, Vigo, Pontevedra.

30. 36010253 CEEPR Fogar e Clínica San Rafael, Vigo, Pontevedra.

31. 36025165 CPR FP Montecastelo, Vigo, Pontevedra.

32. 36011312 CPR San Fermín, Vigo, Pontevedra.

33. 36011211 CPR Plurilingüe San Miguel 2, Pontevedra, Pontevedra.