De conformidade co disposto nos artigos 44 e 46 da Lei 39/2015, do procedemento administrativo común das administracións públicas, notifícaselle a Alfredo Piñeiro Pérez a orde de retirada de todo o material que se atopa no interior de nave taller do porto de Portosín, por non ser posible a notificación a través do servizo de Correos no último domicilio coñecido.

A dita nave foi recuperada pola entidade pública empresarial Portos de Galicia o 27 de novembro de 2019, logo de Auto do Xulgado do Contencioso-Administrativo número 2 da Coruña, do 12 de novembro de 2019, en execución da resolución emitida pola Presidencia de Portos de Galicia o 19 de febreiro de 2019 que decretaba o desafiuzamento administrativo e a recuperación da nave taller propiedade desta entidade pública no porto de Portosín que ocupaba Alfredo Piñeiro Pérez.

A presente orde de retirada afecta a totalidade do material que aínda se atopa no interior da nave, coa excepción dos bens inventariados debidamente identificados, afectados polo embargo decretado pola Axencia Tributaria de Galicia o 2 de xullo de 2021.

Para realizar a dita actuación de retirada de material, deberá de contactar previamente co celador garda peiraos xefe do porto de Ribeira no número de teléfono 669 88 51 77.

De non darse cumprimento á presente orde, Portos de Galicia procederá a retirar o dito material de maneira subsidiaria, polo que, de ser este o caso, se lle pasaría o oportuno custo.

Cara ao seu exame, o expediente completo atópase nas dependencias dos servizos centrais de Portos de Galicia en Área Central, na praza de Europa, núm. 5A, 6º andar, Santiago de Compostela.

Santiago de Compostela, 9 de agosto de 2024

José Antonio Álvarez Vidal
Presidente de Portos de Galicia