En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: Susana Barca Pereiras.

DNI: ***2731**.

Expediente: DH.A15.98173.

Volume total anual: 328,50 m3/ano.

Caudal máximo instantáneo: 0,01 l/s.

Destino: uso doméstico.

Orixe: manancial Fonte da Costa.

Lugar: Reibo.

Parroquia: Liñaio.

Concello: Negreira.

Descrición do aproveitamento:

Cáptase un manancial situado na parcela de referencia catastral 15074A036000340000BO, mediante anel de formigón de 1,20 m de diámetro e 8 m de fondo, con almacenamento en depósito na mesma parcela, e condúcese mediante tubaxe de PE de 26 mm de diámetro ata a vivenda, na parcela 6871901NH1467S0001AF no número 12 do lugar de Reibo.

O proxecto pode consultarse na sección participación pública do portal da internet de Augas de Galicia (https://augasdegalicia.xunta.gal), e nas oficinas deste servizo territorial situadas na rúa Tomiño, núm. 16, baixo, 15704 Santiago de Compostela (A Coruña) solicitando cita previa no teléfono 981 54 49 27.

Os interesados poderán presentar alegacións durante o prazo de vinte (20) días hábiles, contados a partir do seguinte á publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 7 de marzo de 2024

Jesús Antonio Manrique Merino
Xefe do Servizo territorial da
Zona Hidrográfica Galicia Centro