DOG 173 do 9/9/2024 - RESOLUCIÓN do 3 de setembro de 2024 pola que se resolve a convocatoria pública para a provisión, polo sistema de libre designación, de dous postos de traballo vacantes no Consello Consultivo de Galicia.

IV. Oposicións e concursos

Consello Consultivo de Galicia

RESOLUCIÓN do 3 de setembro de 2024 pola que se resolve a convocatoria pública para a provisión, polo sistema de libre designación, de dous postos de traballo vacantes no Consello Consultivo de Galicia.

Pola Resolución do 24 de xuño de 2024, publicada no Diario Oficial de Galicia número 134, do 11 de xullo, anunciouse a convocatoria para a provisión, polo sistema de libre designación, dos dous postos de traballo vacantes no Consello Consultivo de Galicia que se detallan no anexo desta resolución.

De conformidade coa Lei 3/2014, do 24 de abril, do Consello Consultivo de Galicia, e co artigo 13.l) do seu Regulamento de organización e funcionamento, aprobado polo Decreto 91/2015, do 18 de xuño; e de conformidade tamén co establecido no artigo 92 da Lei 2/2015, do 29 de abril, do emprego público de Galicia, e no artigo 27 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico, de aplicación supletoria nos termos previstos no artigo 30.4 da Lei 3/2014, do 24 de abril, esta presidencia

DISPÓN:

Primeiro. Adxudicarlles destino, no posto de traballo que se indica, ás persoas funcionarias cuxos datos se sinalan no anexo desta resolución, seleccionadas conforme o establecido nas bases da convocatoria realizada pola Resolución do 24 de xuño de 2024 e á vista do contido do expediente tramitado para tal fin.

Segundo. O cesamento no actual destino das persoas funcionarias que obteñan praza efectuarase no prazo de tres días hábiles, contados a partir do seguinte ao da data de publicación desta resolución no Diario Oficial de Galicia.

O prazo para a toma de posesión do novo destino será de tres días hábiles a partir do seguinte ao do cesamento se non implica cambio de residencia ou de sete días hábiles se comporta cambio de residencia. Cando a persoa adxudicataria do posto obteña coa súa toma de posesión o reingreso ao servizo activo, o prazo será dun mes, de conformidade co establecido no artigo 8.1 do Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico, aprobado polo Decreto 151/2022, do 4 de agosto.

O cómputo dos prazos posesorios iniciarase cando finalicen os permisos ou licenzas que, de ser o caso, fosen concedidos á persoa interesada. Nos supostos de incapacidade temporal, o cómputo do prazo iniciarase a partir da correspondente alta.

Terceiro. A xefatura do centro en que cause baixa o persoal funcionario, así como a daquel en que obteña praza, consignarán no título administrativo, dentro do prazo sinalado no punto anterior, as correspondentes dilixencias de cesamento e toma de posesión, que serán trasladadas á Dirección Xeral de Emprego Público e Administración de Persoal.

Cuarto. Contra esta resolución, que esgota a vía administrativa, as persoas interesadas poderán interpoñer recurso potestativo de reposición perante a Presidencia do Consello Consultivo de Galicia, no prazo dun (1) mes contado a partir do día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente ante o xulgado do contencioso-administrativo competente, no prazo de dous (2) meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 3 de setembro de 2024

O presidente do Consello Consultivo de Galicia
P.D. (Artigo 17.3 da Lei 3/2014, do 24 de abril)
José Antonio Fernández Vázquez

ANEXO

Apelidos e nome: Oreiro Romar, José Ángel.

DNI: ***0801**.

Grupo: A1.

Corpo/escala: superior da Administración xeral da Comunidade Autónoma de Galicia, escala de letrados.

Posto de traballo: letrado/a.

Código do posto: CCG003.

Nivel: 30.

Centro directivo ou dependencia: Consello Consultivo de Galicia.

Localidade: Santiago de Compostela.

Apelidos e nome: Salgueiro Moreira, Carmen María.

DNI: ***3255**.