Mediante este anuncio faise público que, pola Resolución do 14 de agosto de 2024, da directora territorial de Celeiro, se autorizou a transmisión da titularidade do parque de cultivos mariños que a seguir se describe:

Identificación e localización: parque de cultivo entre Punta Promontoiro e Punta do Cancho, na marxe esquerda da ría de Ortigueira, Cariño (A Coruña).

Superficie: 8.100 m2.

Data da resolución do outorgamento: 24.7.1968 (BOE núm. 190, do 8 de agosto).

Remate da vixencia: 29.7.2028.

Especies autorizadas: ameixa fina (Ruditapes decussatus), ameixa babosa (Venerupis corrugata), ameixa xaponesa (Ruditapes philippinarum), berberecho (Cerastoderma edule), berberecho birollo (Cerastoderma glaucum) e ostra rizada (magallana gigas).

Tipo de transmisión: inter vivos.

Actual titular: María del Carmen Martínez López (***1736**).

Novo titular: Yurii Sokolov (****7936*).

O novo titular subrógase no prazo, nos dereitos e nas obrigas da anterior.

Condicións particulares baixo as cales se autoriza a transmisión da titularidade: os titulares deberán achegar no prazo máximo dun mes, contado desde o día seguinte ao da publicación deste anuncio no Diario Oficial de Galicia, o orixinal ou copia cotexada do documento notarial da transmisión e o xustificante da liquidación do imposto de transmisións patrimoniais ou de sucesións e doazóns.

Viveiro, 14 de agosto de 2024

María Carmen Gueimunde González
Directora territorial de Celeiro