De conformidade co establecido no artigo 15 da Lei 9/2007, do 13 de xuño, de subvencións de Galicia, e no artigo 17.1, alínea b), da Lei 1/2016, do 18 de xaneiro, de transparencia e bo goberno, os órganos administrativos concedentes publicarán no Diario Oficial de Galicia as subvencións concedidas con expresión da convocatoria, o programa e o crédito orzamentario ao que se imputen, a finalidade da subvención, o beneficiario e a cantidade concedida.

En consecuencia,

RESOLVO:

Dar publicidade ás subvencións concedidas ao abeiro da Orde do 26 de abril de 2023 pola que se establecen as bases reguladoras das subvencións ás organizacións profesionais agrarias e asociacións agrarias para a adquisición e mantemento dos bens informáticos e os medios técnicos necesarios para o desenvolvemento das súas actividades, e se convocan para o ano 2023 (código de procedemento MR321B), que figuran no anexo I.

A súa aprobación realizouse no exercicio 2023 con cargo á aplicación orzamentaria 14.04.712C.781.1 (proxecto 2013.00635) dotada con 130.000 € dos orzamentos xerais da Comunidade Autónoma de Galicia, e ten como finalidade a actualización informática das organizacións profesionais agrarias e asociacións agrarias.

Santiago de Compostela, 10 de setembro de 2024

A conselleira do Medio Rural
P.D. (Orde do 17.11.2015; DOG núm. 223, do 23 de novembro)
Silvestre José Balseiros Guinarte
Director xeral de Gandaría, Agricultura e Industrias Agroalimentarias

ANEXO I

Subvencións concedidas

Nº expediente	NIF	Beneficiario/a	Importe
MR321B_2023_001	***4422**	Asociación Agromacen Agrogandeira do Macizo Central	1.157,36 €
MR321B_2023_002	***1116**	Xestión Rural de Galicia	388,15 €
MR321B_2023_003	***1146**	Asociación Agraria de Galicia	14.638,50 €
MR321B_2023_004	***0239**	Sindicato Labrego Galego-Comisións Labregas	9.946,76 €
MR321B_2023_005	***3491**	Asociación Agrogandeira Ourensán	3.384,68 €
MR321B_2023_006	***1153**	Unións Agrarias-UPA	29.743,40 €
MR321B_2023_007	***4650**	Asociación Xestión Agrogandeira Galega	1.676,37 €