Mediante a Resolución do 25 de xuño de 2024, da Xerencia da Área Sanitaria de Pontevedra e O Salnés (DOG núm. 130, do 5 de xullo), convocouse a provisión, polo sistema de libre designación, do posto de xefe/a de estudos da Unidade Docente Multiprofesional de Atención Familiar e Comunitaria.

En virtude das competencias atribuídas polo Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia (DOG núm. 204, do 25 de outubro), esta xerencia

RESOLVE:

Primeiro. Declarar resolta a convocatoria e adxudicar o posto de xefe/a de Estudos da Unidade Docente Multiprofesional de Atención Familiar e Comunitaria da Área Sanitaria de Pontevedra e O Salnés, que se relaciona no anexo I.

Segundo. A toma de posesión do posto de traballo adxudicado deberá efectuarse dentro dos tres días hábiles seguintes a aquel en que se publique a resolución co nomeamento no Diario Oficial de Galicia.

Se así o permiten as necesidades do servizo, e por petición motivada do/da interesado/a, o prazo a que se refire o parágrafo anterior poderá ser prorrogado polo órgano convocante.

O prazo de toma de posesión e a súa prórroga terán a condición de servizo activo e percibiranse os correspondentes haberes de conformidade co que estableza a normativa vixente.

Terceiro. Contra esta resolución poderá interpoñerse recurso de alzada, ante a Dirección Xeral de Recursos Humanos do Servizo Galego de Saúde, no prazo dun mes contado desde o día seguinte ao da publicación desta resolución, segundo o establecido nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Pontevedra, 14 de setembro de 2024

José Manuel Flores Arias
Xerente da Área Sanitaria de Pontevedra e O Salnés

ANEXO I

Adxudicación da praza

Apelidos e nome	DNI	Denominación da praza
Fernández Veiga, Yolanda	***7383**	Xefe/a de estudos da Unidade Docente Multiprofesional de Atención Familiar e Comunitaria da Área Sanitaria de Pontevedra e O Salnés

(*) Ocúltase parcialmente o número do DNI para preservar os datos de carácter persoal, de acordo coa Lei orgánica 3/2018, do 5 de decembro.