En cumprimento do previsto nos artigos 163 e 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a extinción da concesión de augas que foi outorgada o 23 de marzo de 2000, cos seguintes datos:

Solicitante: Jesús Alonso, S.A.

Expediente: DH.A15.07500.

Caudal medio equivalente: 9 l/s.

Caudal máximo instantáneo: 15 l/s.

Destino: usos industriais.

Orixe: río Brea.

Lugar: Ponte Brea.

Parroquia: Cespón.

Concello: Boiro.

Do mesmo xeito, estase a tramitar o outorgamento dunha nova concesión de augas, coa mesma orixe e destino, e con estoutros datos restantes:

Solicitante: Jealsa Foods, S.A.

CIF: ****2222*.

Expediente: DH.A15.100614.

Volume total anual: 1.135.296 m3/ano.

Caudal máximo instantáneo: 36 l/s.

Descrición do aproveitamento:

Solicítase a captación de auga do río Brea, na parcela de referencia catastral 15011A05700759, mediante dúas bombas somerxibles de 18,5 kW, localizadas nun pozo no interior dunha caseta, ao que acceden as augas do río mediante tubaxe de 200 mm de diámetro. Desde a caseta parte a tubaxe de impulsión de 160 mm de diámetro ao longo duns 900 m, ata uns depósitos intermedios de dimensións aproximadas 8,7×8,7×3,3 e 15,7×8,7×3,3 m, localizados na parcela de referencia 2250310NH1225S0001IM, dotados dun sistema de cloración, desde os que as augas se conducen por gravidade ao longo duns 3.398 m por tubaxes de 160 e 180 mm de diámetro ata as instalacións de Jealsa Foods, S.A., onde se atopa un depósito regulador de formigón armado duns 832 m3 de capacidade.

O proxecto pode consultarse na sección participación pública do portal da internet de Augas de Galicia (https://augasdegalicia.xunta.gal), e nas oficinas deste servizo territorial situadas na rúa Tomiño, núm. 16, baixo, 15704 Santiago de Compostela (A Coruña), para facilitar esta consulta poderá solicitar cita previa no teléfono 981 54 49 27.

Os interesados poderán presentar alegacións durante o prazo de vinte (20) días hábiles, contados a partir do seguinte á publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 13 de setembro de 2024

Jesús Antonio Manrique Merino
Xefe do Servizo Territorial da Zona Hidrográfica Galicia Centro