De conformidade co establecido nos artigos 44, 45.1 e 46 da Lei 39/2015, do 1 de outubro, de procedemento administrativo común das administracións públicas, notifícaselle á empresa que a continuación se relaciona a resolución recaída no expediente sancionador por infracción na orde social, devolto polo servizo de Correos por resultar descoñecido o seu destinatario ou ben porque, intentada a notificación electrónica, esta non se puido efectuar.

Contra esta resolución, que non pon fin á vía administrativa, a interesada poderá interpor un recurso de alzada, perante a Secretaría Xeral de Emprego e Relacións Laborais no prazo dun mes contado desde o día seguinte ao da súa publicación no Boletín Oficial del Estado (BOE), de acordo co establecido nos artigos 30 e 122 da Lei 39/2015, sen prexuízo de que poida exercer calquera outro recurso que considere pertinente.

A interesada, durante este prazo, poderá presentarse ante o Servizo de Emprego, Relacións Laborais, Traballo Autónomo e Economía Social, da Dirección Territorial da Consellería de Emprego, Comercio e Emigración de Lugo, situado na rolda da Muralla, nº 70, baixo, das 9.00 ás 14.00 horas, de luns a venres, aos efectos de coñecer integramente o contido da resolución e recoller o documento de pago.

Advírteselle que de non ser interposto o recurso en tempo e forma, a resolución adquirirá firmeza e deberá aboar a multa imposta a través das entidades colaboradoras que constan no documento de pagamento, xa que, en caso contrario, procederase á execución pola vía de prema, nos termos previstos na Orde da Consellería de Economía e Facenda, de 23 de novembro de 2001.

Expediente: 2024/100 (acta: I272024000012150).

Data da resolución: 1 de agosto de 2024.

Empresa: Maquisaba S.L. Sucursal Portugal.

Enderezo: rúa Santo Antonio, 253, porta 7, Lousada (Portugal).

Lugo, 4 de outubro de 2024

Carmen José López Rodríguez
Directora territorial de Lugo