Mediante a Resolución do 5 de xullo de 2024 (DOG número 142, do 23 de xullo) convocouse a provisión de tres postos de xefe/a do Servizo de Atención Primaria da Área Sanitaria de Santiago de Compostela e Barbanza. Esta xerencia, en virtude das competencias atribuídas polo Decreto 145/2024, do 20 de maio (DOG número 101, do 27 de maio), polo que se establece a estrutura orgánica do Servizo Galego de Saúde; da Orde do 22 de abril de 2020 (DOG número 82, do 29 de abril) sobre delegación de competencias en órganos centrais e periféricos da Consellería de Sanidade e do Servizo Galego de Saúde, e do Decreto 134/2019, do 10 de outubro (DOG número 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia,

DISPÓN:

Primeiro. Resolver a convocatoria pública para a provisión de tres postos de xefe/a do Servizo de Atención Primaria da Área Sanitaria de Santiago de Compostela e Barbanza, convocada pola Resolución do 5 de xullo de 2024 (DOG número 142, do 23 de xullo).

Segundo. Nomear, para os postos que se indican, as persoas citadas no anexo desta resolución.

Terceiro. Declarar deserta a convocatoria para o posto de xefe/a do Servizo de Atención Primaria de Boqueixón-Vedra, por falta de candidatos/as para participar na dita convocatoria.

Cuarto. As aspirantes seleccionadas deberán cesar na praza que desempeñen dentro do tres días hábiles seguintes a aquel en que se publique a resolución no Diario Oficial de Galicia.

A toma de posesión do posto de traballo adxudicado deberá efectuarse dentro dos tres días hábiles seguintes ao do cesamento. Para estes efectos, entenderase por praza desempeñada a efectivamente ocupada, con independencia de que sexa en condición de destino definitivo, adscrito ou destino provisional ou comisión de servizos.

Si así o permiten as necesidades do servizo, e por petición motivada do/da interesado/a, os prazos a que se refiren os parágrafos anteriores poderán ser prorrogados polo órgano convocante.

O prazo de toma de posesión e a súa prórroga terán a condición de servizo activo e percibiranse os correspondentes haberes de conformidade co que estableza a orde sobre confección de nóminas do persoal ao servizo da Administración autonómica.

Entenderase que solicita a excedencia voluntaria por interese particular, e será declarado/a nesa situación polo órgano competente, quen non se incorpore ao posto adxudicado no prazo establecido.

Quinto. Contra a presente resolución poderá interpor recurso de alzada ante a Dirección Xeral de Recursos Humanos do Servizo Galego de Saúde no prazo dun mes, contado a partir do día seguinte ao da súa publicación, nos termos expostos nos artigos 121 e 122 da Lei 39/2015, do 1 de outubro, do procedemento administrativo común das administracións públicas (BOE número 236, do 2 de outubro).

Santiago de Compostela, 9 de outubro de 2024

Ángel Facio Villanueva
Xerente da Área Sanitaria de Santiago de Compostela e Barbanza

ANEXO

Denominación do posto: xefe/a de servizo de Atención Primaria.

Servizo de Atención Primaria: O Pino-Touro.

Nome e apelidos: Carmen Silvia Varela Castro.

DNI (*): ***9060**.

Denominación do posto: xefe/a de servizo de Atención Primaria.

Servizo de Atención Primaria: Santa Comba.

Nome e apelidos: Laura Vela Flórez.

DNI (*): ***2835**.

(*) Ocúltase parcialmente o número do documento nacional de identidade para preservar os datos de carácter persoal, de acordo coa Lei orgánica 3/2018, do 5 de decembro.