De conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Orde do 24 de maio de 2006 (DOG núm. 106, do 5 de xuño) pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, e no uso das atribucións conferidas polo Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia (DOG núm. 204, do 25 de outubro), o xerente da Área Sanitaria de Pontevedra e O Salnés

RESOLVE:

Primeiro. Modificar o requisito para participar na convocatoria da praza de xefe/a do Servizo de Microbioloxía e Parasitoloxía na Área Sanitaria de Pontevedra e O Salnés, publicada no DOG núm. 194, do 8 de outubro de 2024, recollido na base número 2, letra a), da convocatoria, na Resolución do 24 de setembro de 2024.

Segundo. O requisito de participación na convocatoria, base número 2, letra a), da Resolución do 24 de setembro de 2024, será o seguinte:

a) Estar en posesión do título universitario oficial de grao/licenciado/a ou doutor/a, licenciado sanitario na especialidade de Microbioloxía e Parasitoloxía, expedido polo Ministerio de Educación.

Terceiro. Amplíase o prazo de presentación de solicitudes de participación nun mes natural, contado a partir do día seguinte ao da publicación desta resolución no Diario Oficial de Galicia.

Pontevedra, 15 de outubro de 2024

O xerente da Área Sanitaria de Pontevedra e O Salnés
P.S. (Artigo 12 da Lei 16/2010, do 17 de decembro, e artigo 5.4
do Decreto 134/2019, do 10 de outubro (DOG núm. 204, do 25 de outubro)
Yolanda Sanduende Otero
Directora asistencial da Área Sanitaria de Pontevedra e O Salnés